Xhinët dhe njerëzit i kam krijuar vetëm që të Më adhurojnë. [Edh-Dharijat 51:56]

Pauzat gjatë tavafit dhe sa’it

Imam Muhammed bin Salih bin Uthejmin (v. 1421)
Nur ala-Darb (54 A)
Përktheu: Valdet Gashi
www.perlatmuslimane.com

Pyetje: A është e lejuar për personin i cili e bënë haxhin që të qëndrojë ose të ulet gjatë tavafit ose sa’it për të pushuar, dhe pastaj të vazhdojë të ec?

Përgjigje: Kjo lejohet. Dijetarët thonë se bërja e sa’it pa ndërprerë është sunnet, nuk është kusht që të bëhet pandërprerë. Bazuar në këtë, atij i lejohet që të pushojë dhe pastaj të vazhdojë të ecurit edhe nëse pauza është e gjatë. Por aq më pak ndërprerje aq më i mirë është sa’i.

Pyetje: Gjatë pauzës a i lejohet që të dalë jashtë vendit ku bëhet sa’i?

Përgjigje: Po, kjo i lejohet atij. Ai mund të dalë jashtë vendit ku bëhet sa’i dhe të kryej nevojat e tij, të pi ujë apo të bëjë gjëra të ngjashme.

Shpërndaje: