“Nuk i kam krijuar xhinët dhe njerëzit veçse që të më adhurojnë Mua.” [Edh-Dharijat 51:56]

Shirku – mëkati më i madh

Imam Muhammed bin Ahmed edh-Dhehebi 

Burimi: Kitabul-Kebair, fq. 37-39

Përktheu: Valdet Gashi

www.perlatmuslimane.com

Shirku është ta konsiderosh dikë të barabartë me Allahun, ndërsa Ai të ka krijuar ty, e të adhurosh dikë së bashku me të, qoftë ai ndonjë gurë, njeri, dielli, hëna, ndonjë profet, xhin, ndonjë yll, engjëll apo diçka tjetër. Thotë Allahu (te ala):

إِنَّ اللّهَ لاَ يَغْفِرُ أَن يُشْرَكَ بِهِ وَيَغْفِرُ مَا دُونَ ذَلِكَ لِمَن يَشَاء

“Padyshim që Allahu nuk e fal (gjynahun e) të vënit ortak Atij në adhurim, por Ai i falë kujtdo që Ai dëshiron gjynahe të tjera përveç këtij.” 4:48

Dhe thotë Allahu:

إِنَّهُ مَن يُشْرِكْ بِاللّهِ فَقَدْ حَرَّمَ اللّهُ عَلَيهِ الْجَنَّةَ وَمَأْوَاهُ النَّارُ

“Atij që i bën ortak Allahut, Allahu ia ka ndaluar atij xhenetin dhe vendi i tij është zjarri.” 5:72

Kurse në një ajet tjetër thuhet:

إِنَّ الشِّرْكَ لَظُلْمٌ عَظِيمٌ

“Pa dyshim, shirku është padrejtësia më e madhe.” 31:13

Ajete të shumta flasin për këtë çështje.

Kush ka bërë shirk Allahun dhe vdes si mushrik (jobesimtarë), ai do të jetë përgjithmonë në Zjarr. Gjithashtu, edhe ai i cili beson në Allahun dhe vdes si besimtarë, do të jetë prej banorëve të xhenetit edhe nëse fillimisht do të dënohet. Profeti (salAllahu alejhi ue selem) ka thënë:

ألا أنبئكم بأكبر الكبائر ؟ – الإشراك بالله 

“A doni t’u tregoj për mëkatin më të madh? Të bërit ortak Allahut.” Buhariu (2653) dhe Muslimi (87)

اجتنبوا السبع الموبقات … و ذكر منها : الشرك

Largohuni nga shtatë mëkatet e mëdha: (ndër to ai përmendi) shirkun.” Buhariu (2766) dhe Muslimi (89)

من بدل دينه فاقتلوه

“Mbyteni atë që e ndërron fenë e tij.” [1] Buhariu (3017)


[1] (V.P.) Shënim i rëndësishëm: Gjykimi i tillë zbatohet kur një mysliman braktis fenë e tij haptazi, dhe pas t’i sqarohen argumentet. Ekzekutimi i dënimeve të sheriatit islam të ngjashme si ky, duhet të bëhen nga udhëheqësi i myslimanëve, ndërsa është e ndaluar që dikush ta marrë ligjin në duart e tij dhe t’i zbatojë dënimet, pavarësisht nëse kjo ndodh në një shtet mysliman apo në një vend të kufarëve. Pra, ne nuk mund t’i zbatojmë ligjet e tilla, ngase kjo është nën kompetencën e shtetit.

Shpërndaje: