“Nuk i kam krijuar xhinët dhe njerëzit veçse që të më adhurojnë Mua.” [Edh-Dharijat 51:56]

Shpërblimi dhe ndëshkimi i shpirtit deri në Ditën e Kiametit

Imam Muhammed bin Salih bin Uthejmin (vdiq. 1421)

Burimi: http://www.ibnothaimeen.com/all/noor/article_691.shtml

Përktheu: Valdet Gashi

www.perlatmuslimane.com

Pyetje: “Kur të vdes njeriu, a hyn në Xhenet gjegjësisht në Xhehenem, apo mbetet në varr deri në Ditën e Gjykimit?”

Përgjigje: “Trupi i njeriut të vdekur mbetet në tokë (në varr) nga momenti që ai është varrosur, deri në Ditën e Gjykimit. Allahu (Te’ala) ka thënë:

وَنُفِخَ فِي الصُّورِ فَإِذَا هُم مِّنَ الْأَجْدَاثِ إِلَى رَبِّهِمْ يَنسِلُونَ

“Dhe, kur të fryhet në Sur, ata do të dalin nga varret dhe do të nxitojnë drejt Zotit të tyre.” 1

Dhe thotë Allahu:

وَمِن وَرَائِهِم بَرْزَخٌ إِلَى يَوْمِ يُبْعَثُونَ

“Prapa (vdekjes së) tyre do të ketë një (kohë) ndarëse, deri në ditën kur do të ringjallen.” 2

Pra i vdekuri mbetet në tokë.

Lidhur me jetën e shpirtit, themi se, shpirti hyn në Xhenet eventualisht në Xhehenem. Allahu (Te’ala) ka thënë:

الَّذِينَ تَتَوَفَّاهُمُ الْمَلآئِكَةُ طَيِّبِينَ يَقُولُونَ سَلامٌ عَلَيْكُمُ ادْخُلُواْ الْجَنَّةَ بِمَا كُنتُمْ تَعْمَلُونَ

“Atyre të cilëve engjëjt ua marrin shpirtrat, duke qenë të pastër, u thonë: “Shpëtimi qoftë mbi ju! Hyni në Xhenet, si shpërblim për veprat që keni kryer!” 3

Ky ajet dëshmon se, ngjarja e tillë do të ndodhë kur njeriu të vdes. Kjo nënkupton se njeriu do të hyjnë në Xhenet (apo në Xhehenem) ditën kur ai do të vdes. Por, kjo do t’i ndodhë vetëm shpirtit, jo edhe trupit. Është konfirmuar në formë autentike nga Profeti (salallahu alejhi ue selem) se të vdekurit nëse ai është besimtarë, i hapet një derë në Xhenet, nga e cila ai ndjen mëshirë dhe lumturi. Ndërsa, jobesimtarit shpirti i tij i ndëshkohet. Thotë Allahu në Kuran:

النَّارُ يُعْرَضُونَ عَلَيْهَا غُدُوًّا وَعَشِيًّا وَيَوْمَ تَقُومُ السَّاعَةُ أَدْخِلُوا آلَ فِرْعَوْنَ أَشَدَّ الْعَذَابِ

“Ata do të çohen para Zjarrit në mëngjes dhe mbrëmje (në jetën e varrit) e, kur të arrijë çasti i kiametit, do të thuhet: “Hidhni ithtarët e Faraonit në dënimin më të rëndë”!” 4

Dhe thotë Allahu (Te’ala):

إِنَّ الَّذِينَ تَوَفَّاهُمُ الْمَلآئِكَةُ ظَالِمِي أَنْفُسِهِمْ قَالُواْ فِيمَ كُنتُمْ قَالُواْ كُنَّا مُسْتَضْعَفِينَ فِي الأَرْضِ قَالْوَاْ أَلَمْ تَكُنْ أَرْضُ اللّهِ وَاسِعَةً فَتُهَاجِرُواْ فِيهَا فَأُوْلَئِكَ مَأْوَاهُمْ جَهَنَّمُ وَسَاءتْ مَصِيرًا

“Kur engjëjt ua marrin shpirtrat atyre që e kanë ngarkuar veten me faje, u thonë: “Ku ishit?” Ata përgjigjen: “Ishim të pafuqishëm në Tokë”. (Engjëjt) do t’u thonë: “A nuk qe Toka e Allahut e gjerë që të mërgonit në të?” Këta janë ata (njerëz), vendbanimi i të cilëve është Xhehenemi; eh, sa i keq është ai vendbanim!” 5

Dhe thotë Allahu:

وَلَوْ تَرَى إِذْ يَتَوَفَّى الَّذِينَ كَفَرُواْ الْمَلآئِكَةُ يَضْرِبُونَ وُجُوهَهُمْ وَأَدْبَارَهُمْ وَذُوقُواْ عَذَابَ الْحَرِيقِ ذَلِكَ بِمَا قَدَّمَتْ أَيْدِيكُمْ وَأَنَّ ا
للّهَ لَيْسَ بِظَلاَّمٍ لِّلْعَبِيدِ

“Dhe sikur t’i kishe parë kur engjëjt ua marrin shpirtin atyre që mohuan, si i godasin në fytyrë dhe shpinë, (duke u thënë): “Shijoni dënimin e zjarrit që flakëron. Këtë (dënim e morët) për shkak të asaj që vepruat. Allahu nuk është i padrejtë ndaj robërve të Tij!” 6

Kjo dëshmon se besimtari dhe jobesimtari marrin shpërblimin e tyre në Xhenet, gjegjësisht ndëshkimin e tyre në Xhehenem kur ata të vdesin. Siç thashë, kjo vlen vetëm për shpirtin.

Sa i përket trupit, ai mbetet në tokë deri në Ditën e Gjykimit. Por, ka mundësi që shpirti t’i bashkohet trupit dhe dënohet ose shpërblehet në varr së bashku me të, siç sugjerojnë disa hadithe autentike.


1 Ja-Sin 36:51

2 El-Mu’minun 23:100

3 En-Nahl 16:32

4 Gafir 40:46

5 An-Nisa 4:97

6 El-Enfal 8:50-51

Shpërndaje:

Dela på facebook
Dela på whatsapp
Dela på telegram