“Nuk i kam krijuar xhinët dhe njerëzit veçse që të më adhurojnë Mua.” [Edh-Dharijat 51:56]

Tre personave të cilëve nuk u pranohet lutja

Imam Muhammed Abdurr-Ra’uf el-Munaui (v. 1031)

Burimi: Fejdh-ul-Kadir (3/336)

Përktheu: Valdet Gashi

www.perlatmuslimane.com

Profeti ﷺ ka thënë:

”Tre njerëz i luten Allahut (azze ue xhel) pa u pranuar lutja. Njëri është burri që jeton me një grua të pamoralshme dhe nuk ndahet prej saj. Një tjetër është burri i cili i ka huazuar para një tjetrit pa dëshmitarë. Një i tretë është ai që i jep pasurinë e tij një personi mendjelehtë, ndërkohë që Allahu (azze ue xhel) ka thënë:

وَلاَ تُؤْتُواْ السُّفَهَاء أَمْوَالَكُمُ

”Mendjelehtëve (të papjekurve) mos u jepni pasurinë të cilën Allahu e ka bërë mjet jetese për ju.” 1,2

”Tre njerëz i luten Allahut (azze ue xhel) pa iu pranuar lutja. Njëri është burri që jeton me një grua të pamoralshme dhe nuk ndahet prej saj.”

Atij nuk i pranohet lutja kur ai lutet kundër saj, sepse ai e ndëshkon veten kur vazhdon të jetojë me të ndërsa e ka mundësinë për tu ndarë prej saj.

”Një tjetër është burri i cili i ka huazuar para një tjetrit pa dëshmitarë.”

Në qoftë se huamarrësi dhe huadhënësi luten, lutja e tij nuk pranohet, sepse ai neglizhoi dhe injoroi fjalët e Tij (te ala):

وَاسْتَشْهِدُواْ شَهِيدَيْنِ من رِّجَالِكُمْ

Kërkoni të dëshmojnë dy dëshmitarë burra nga mesi juaj. 3

”Një i tretë është ai që i jep pasurinë e tij një personit mendjelehtë…”

Do të thotë një person të cilit i mungon administrimi për shkak të mendjelehtësisë. Kjo vlen për të gjitha llojet e pasurisë në qoftë se ai e di se nuk është në gjendje për të administruar atë. Lutja kundër tij nuk i pranohet, sepse ai vetë e ka shkapërderdhur pasurinë e tij. Ai pra nuk ka asnjë justifikim. Allahu (te ala) ka thënë:

وَلاَ تُؤْتُواْ السُّفَهَاء أَمْوَالَكُمُ

”Mendjelehtëve (të papjekurve) mos u jepni pasurinë të cilën Allahu e ka bërë mjet jetese për ju.”


1 4:5

2 Hakimi (2/302). Autentik sipas Albanit në ”es-Sahihah” (4/420).

3 2:282

Shpërndaje: