“Nuk i kam krijuar xhinët dhe njerëzit veçse që të më adhurojnë Mua.” [Edh-Dharijat 51:56]

Udhët drejtë faljes së mëkateve në Ramazan

Imam Zejn-ud-Din bin Rexheb el-Hanbeli (v. 795)

Burimi: Lata’iful-Me’arif, fq. 287-288

Përktheu: Valdet Gashi

www.perlatmuslimane.com

Gjatë Ramazanit ka shumë mënyra për të arritur faljen. Prej këtyre mënyrave janë ndër të tjera agjërimi i Ramazanit, falja e namazit gjatë netëve të tij dhe në veçanti gjatë natës së Kadrit. Shembuj të mënyrave të tjera janë këto që vijojnë:

1 – Dhurimi iftar agjëruesve dhe t’u lehtësohet gjendja të skllevërve. Këto dy veprime përmenden në hadithin e Selmanit nga profeti .

2 – Dhikri, hadithi thotë:

”Ai që bën dhikër Allahun gjatë Ramazanit i janë falur mëkatet.”

3 – Istigfari (kërkimi i faljes). Lutja e agjëruesit pranohet gjatë agjërimit dhe kur ai bën iftar. Prandaj Ibn Umeri thoshte gjatë kohës kur bënte iftar:

”O Allah, Ti, falja e të Cilit është e gjerë! Më fal mua!”

Përveç kësaj, Ebu Hurejra (radijAllahu anhu) tregoi se i dërguari i Allahut ka thënë në lidhje me vlerën e Ramazanit:

”Gjatë tij i falen mëkatet të gjithëve përveç atij që refuzon.” Ata thanë: ”O Ebu Hurejre, kush refuzon?” Ai tha: ”Ai që refuzon t’i kërkon falje Allahun.”

4 – Engjëjt kërkojnë falje për agjëruesit derisa ata të bëjnë iftar.

Pasi që rrugët e faljes gjatë Ramazanit janë të shumta, konsiderohesh të jetë një humbës i vërtetë në qoftë se nuk të falen mëkatet gjatë tij.

Shpërndaje: