“Nuk i kam krijuar xhinët dhe njerëzit veçse që të më adhurojnë Mua.” [Edh-Dharijat 51:56]

Vërtetësia e hadithit “Allahu krijoi Ademin në pamjen e Tij”

Imam Abdul-Aziz bin Abdullah bin Baz (v. 1420)

Burimi: http://www.binbaz.org.sa/mat/3344

Përktheu: Valdet Gashi

www.perlatmuslimane.com

Pyetje: A është autentik hadithi:

خلق الله آدم على صورته

“Allahu krijoi Ademin në pamjen e Tij”? 

Nga kjo kemi parasysh se ky hadith ka ardhur edhe në një formë tjetër të transmetimit, në të cilin thuhet:

إن الله خلق آدم على صورة الرحمن

“Allahu krijoi Ademin në pamjen e të Mëshirshmit.” 

Ndërsa, Ibnu Haxheri (Allahu e mëshiroftë!) në lidhje me këtë hadith thotë: “Është autentike nga profeti (salAllahu alejhi ue selem) se Allahu (Xhele ue ‘Ala) e ka krijuar Ademin në pamjen e të Mëshirshmit.” Çfarë thonë në lidhje me këtë?

Përgjigje: Ky hadith është autentik ashtu siç e ka theksuar Is’hak bin Rahoja, Ahmedi e të tjerët. Në këtë hadith nënkuptohet se Allahu është Dëgjuesi dhe Shikuesi, e nuk nënkuptohet në këtë hadith se dëgjimi dhe shikimi i Tij është sikurse dëgjimi dhe shikimi i njeriut, sepse Allahu (Subhaneh) thotë:

لَيْسَ كَمِثْلِهِ شَيْءٌ وَهُوَ السَّمِيعُ البَصِيرُ

Asgjë nuk i shëmbëllen Atij dhe Ai është Gjithëdëgjuesi, Gjithëshikuesi.” 1

Kjo do të thotë se Allahu e ka krijuar Ademin në pamjen e Tij, si: Dëgjues, Shikues, Folës, ka dorë e ka këmbë, por jo sikurse të njeriut; i Lartë është Allahu nga çdo përngjasim e shëmbëllim.

Pra, Allahu thotë:

 لَيْسَ كَمِثْلِهِ شَيْءٌ وَهُوَ السَّمِيعُ البَصِيرُ

Asgjë nuk i shëmbëllen Atij dhe Ai është Gjithëdëgjuesi, Gjithëshikuesi.” 2

Dhe në një ajet tjetër thotë:

وَلَمْ يَكُن لَّهُ كُفُوًا أَحَدٌ

“Dhe askush nuk është i barabartë (as i krahasueshëm) me Atë!” 3

E në një tjetër ajet thotë:

هَلْ تَعْلَمُ لَهُ سَمِيًّ

A di për Të ndonjë emnak (adash)?!” 4

Dhe në një ajet tjetër thotë:

فَلاَ تَضْرِبُواْ لِلّهِ الأَمْثَالَ 

Andaj, mos krahasoni asnjë me Allahun! Në të vërtetë, Allahu di, ndërsa ju nuk dini.” 5


1 Esh-Shura 42:11

2 Esh-Shura 42:11

3 El-Ihlas 112:4

4 Merjem 19:65

5 En-Nahl 16:74

Shpërndaje: