Alameh Abdullah bin Abdurr-Rrahman Ebu Butejn (v. 1282)
Burimi: er-Rasa’il uel-Masa’il en-Nexhjdijjeh (2/176-177)
Përgatiti: www.perlatmuslimane.com
Shumica e njerëzve sot janë Eshari. Metodologjia e tyre në lidhje me cilësitë e Allahut (Subhanehu ue Te ala) është se shumë herë janë në përputhje me besimin e Mutezilive dhe Xhehmive. Ata pohojnë disa cilësi, por jo të tjerat. Ata pohojnë si cilësi të Allahut:
1 – Jetën.
2 – Diturinë.
3 – Aftësinë.
4 – Dëshirën.
5 – Dëgjimin.
6 – Shikimin.
7 – Të folurit.
Të gjitha cilësitë e tjera i mohojnë me ndihmën e interpretimeve të kota. Edhe pse ata pajtohen me Ehl-us-Sunnetin për të pohuar të folurit e Allahut, por ata e mohojnë atë në fakt. Sepse sipas tyre të folurit është vetëm një kuptim. Përveç kësaj, ata thonë se germat e Kuranit janë krijuar dhe se Allahu nuk flet me fjalë ose zë. Atëherë Xhehmitë thonë se kjo është pikërisht ajo që ata thonë, kur ata pretendojnë se Kurani është i krijuar, sepse qëllim janë germat dhe jo kuptimi.
I gjithë Ehl-us-Sunneti thonë se fjala e Allahut nuk është e krijuar, se Allahu është shprehur me Kuran, me germat dhe kuptimet e tij, dhe se Allahu (Subhaneh) flet me zë që dëgjohet nga ai që Allahu dëshiron.