Komisioni i Përhershëm për Kërkime dhe Fetva
Fetvaja nr. 18645
President: Abdul-Aziz ibn Abdullah bin Baz
Zëvendës: Abdul-Aziz Al-Shejkh
Antar: Salih El-Feuzan
Antar: Bekr Ebu Zejd
Përktheu: Valdet Gashi
www.perlatmuslimane.com
Pyetje: A e dinë xhinët gajbin (të fshehtën)?
Përgjigje: Jo, dija rreth gajbit është një çështje që lidhet ngushtë me teuhidin Rububijeh. Askush në qiej e në tokë nuk e di të fshehtën përveç Allahut.
Dija e gajbit është pjesë e veçantë e teuhidit Rububijeh dhe askush përveç Allahut nuk e posedon atë.
Allahu -te ala- ka thënë:
”Ai i ka çelësat e së padukshmes dhe vetëm Ai i njeh ato.” El-Anam, 6:59
Dhe Ai -te ala- ka thënë:
Thuaj: “Askush përveç Allahut, në qiell apo në tokë, nuk e di të fshehtët dhe as nuk e dinë se kur ringjallet”. En-Neml, 27:65
Xhinët nuk e dinë gajbin. Argument për këtë janë fjalët e Allahut:
”Kur Ne ia caktuam atij vdekjen, askush tjetër nuk i njoftoi ata (xhinët) për vdekjen e tij, përveç krimbit që i brejti shkopin e tij, e kur u rrëzua ai (Sulejmani), për xhinët u bë e qartë se sikur të ishin ata që e dinin të fshehten, nuk do të vazhdonin të qëndronin në mundimin e rëndë.” Sebe’, 34:14
Kushdo që pretendon se e di gajbin është kafir dhe po ashtu kafir është edhe ai që i beson atij që e pretendon këtë sepse një pretendim i tillë është mohim i qartë i Kuranit.