Xhinët dhe njerëzit i kam krijuar vetëm që të Më adhurojnë. [Edh-Dharijat 51:56]

A e prish abdesin lëngu i bardhë, i cili del pas përfundimit të periudhës menstruale?

Imam Abdul-Aziz bin Abdullah bin Baz (v. 1420)

Burimi: http://www.binbaz.org.sa/mat/2243
 Përktheu: Valdet Gashi

www.perlatmuslimane.com

Pyetje: A e prish abdesin lëngu i bardh, i cili del nga gruaja në kohën e pastrimit prej menstruacioneve?

Përgjigje: Çdo gjë që rrjedh del nga vrimat (gjenitalet apo ajo anale (v.p.)), veçse e prish abdesin. Si për burrin, ashtu edhe për gruan. Ngase, Allahu (subhaneh) ka thënë:

وَإِنْ كُنْتُمْ مَرْضَى أَوْ عَلَى سَفَرٍ أَوْ جَاءَ أَحَدٌ مِنْكُمْ مِنَ الْغَائِطِ أَوْ لامَسْتُمُ النِّسَاءَ فَلَمْ تَجِدُوا مَاءً فَتَيَمَّمُوا صَعِيدًا طَيِّبًا فَامْسَحُوا بِوُجُوهِكُمْ وَأَيْدِيكُمْ مِنْهُ

“…ose gjendeni në udhëtim, ose ndonjëri nga ju vjen pas kryerjes së nevojës natyrore, ose nëse keni pasur marrëdhënie me bashkëshortet e nuk gjeni ujë, atëherë gjeni dhe të pastër dhe fshini fytyrat e duart me të.” 5:6

Dhe, i dërguari i Allahut ﷺ thotë:

لا تقبل صلاة أحدكم إذا أحدث حتى يتوضأ

“Nuk pranohet namazi i ndonjërit prej jush që ka kryer nevojën, derisa të marr abdes.” Buhariu dhe Muslimi.

“Nevojë” – që është përmendur në hadith, përfshin çdo gjë që del nga vrima anale apo nga organet gjenitale, pra, nevojën e madhe, urinën dhe të tjera pos këtyre dyjave që rrjedhin. E njëjta gjë vlen edhe për gazrat që dalin nga vrima anale, për të cilin shkak prishet vetëm abdesi. Ndërsa, kur jemi tek nevoja e madhe, apo urina dhe të tjera lëngje që mund të rrjedhin, atëherë obligohemi edhe të pastrojmë atë që del para se të marrim abdes. Kjo është çfarë na mëson qartësisht Kurani dhe Sunneti i pastër. E njëjta gjë sikurse edhe me lirimin e gazrave, vlen edhe atëherë kur hamë mish deveje, apo flemë dhe gjëra të tjera për shkak të të cilave njeriut i humbet mendja. Gjithashtu, prekja e organit gjenital me dorë. Pra, të gjitha këto e prishin vetëm abdesin dhe nuk obligojnë edhe pastrimin e pjesëve përkatëse. Edhe nëse preket organi gjenital i vetë individit, apo i dikujt tjetër, siç është bashkëshortit/es apo fëmijës. Tek Allahu është i gjithë suksesi!

Shpërndaje: