Imam Abdul-Aziz bin Abdullah bin Baz (v. 1420)
Burimi: Mexhmu’ Fataua Ibn Baz, Vol 13. fq. 138
Përgatiti: www.perlatmuslimane.com
Pyetje: “A ka ndonjë dobi për të vdekurin, nëse atij namazin e xhenazes ia falin një numër i madh i njerëzve?”
Përgjigje: “Është transmetuar në formë autentike në hadithin e Ibn Abbasit radijAllahu anhu, se Profeti salAllahu alejhi ue selem ka thënë:
ما من رجل مسلم يموت فيقوم على جنازته أربعون رجلا لا يشركون بالله شيئا إلا شفعهم الله فيه
“S’ka mysliman që vdes dhe namazin e xhenazes ia falin dyzetë burra, të cilët nuk i bëjnë shirk Allahut në asgjë, veçse Allahu do t’i bëjë ata ndërmjetësues për të.” Muslimi.
Prandaj, dijetarët e konsideronin vepër të pëlqyeshme që të kërkohet një xhami ku ka një xhemat të madh për t’ia falur namazin e xhenazes të vdekurit. Aq më i madh që të jetë numri i xhematit, kjo është aq më afër mirësisë, ngase bëhen më shumë dua për të.”