Imam Muhamed bin Ibrahim Alush-Shejkh
Fataua ua rese’il shejkh Muhamed bin Ibrahim (4/214-215)
Përktheu: Valdet Gashi
www.perlatmuslimane.com
Pyetje: A lejohet që gratë të sjellin fëmijët e tyre në xhami?
Përgjigje: Po, nuk ka asnjë pengesë që gratë të sjellin fëmijët e tyre në xhami. Sunneti dëshmon se gratë e kishin zakon të shkonin në xhamin së bashku me fëmijët e tyre në kohën e profetit ﷺ.
Ebu Katade -radijAllahu anhu- rrëfeu se i dërguari i Allahut ﷺ ka thënë:
“Kur ngrihem për t’u falur kam për qëllim ta zgjas namazin por kur dëgjoj të qarët e një fëmije, e shkurtoj namazin sepse nuk dua që t’ia rëndojë gjendjen nënës së tij.”
Transmeton Bukhari (707).
Gjithashtu profeti ﷺ mbante Umamen mbi shpinë gjatë namazit farz ndërkohë që ishte imam.
Megjithatë, gratë duhet të jenë të kujdesshme që fëmijët:
- Të mos ndotin xhaminë.
- Të mos shqetësojnë të tjerët.
- Të vendosen për të fjetur kur kanë nevojë për gjumë.