Burimi: “Komisioni i Përhershëm për Kërkime dhe Fetva”, fetvaja nr. 13958
Presidenti: Abdul-Aziz ibn Abdullah bin Baz
Nënkryetar: Abdurr-Rrezak Afifi
Anëtar: Abdullah el-Gudejjan
Përktheu: Valdet Gashi
www.perlatmuslimane.com
Pyetje: “Në Kuran Allahu (te’ala) thotë:
وَمَا خَلَقْتُ ٱلْجِنَّ وَٱلْإِنسَ إِلَّا لِيَعْبُدُون
”Nuk i kam krijuar xhinët dhe njerëzit veçse që të më adhurojnë Mua.” 1
I Dërguari i Allahut (salAllahu alejhi ue selem) ka thënë:
”Të gjithë njerëzit do të hyjnë në Xhenet përveç atyre që refuzojnë.”
Sahabët pyetën: ”O i Dërguari i Allahut, dhe kush refuzon një gjë të tillë?
Ai u përgjigj: ‘’Kushdo që më bindet mua hyn në Xhenet dhe kushdo që është i pabindur ndaj meje ai veçse ka refuzuar.” (Buhariu, Muslimi)
Ne e dimë se edhe xhinët ashtu edhe njerëzimi e adhurojnë Allahun, I Cili gjithashtu ua premtoi xhenet të gjithë atyre që e adhurojnë Atë. Pse nuk përmenden xhinët, duke qenë se edhe ata e adhurojnë Allahun? Ne kërkojmë nga ju sqarim me argument në lidhje me këtë.”
Përgjigje: “Mendimi i saktë në lidhje me këtë është se besimtarët prej xhinëve hyjnë në xhenet. Allahu (te’ala) thotë:
وَلِمَنْ خَافَ مَقَامَ رَبِّهِۦ جَنَّتَانِ
”Për atë që i frikësohet daljes para Zotit të tij, do të jenëdy kopshte (dy xheete)!” 2
Kushdo që është në përputhshmëri me atë që gjendet në këtë ajet Kuranor, duke pasur besim të qëndrueshëm dhe bënë vepra të mira është besimtar. Kurse Allahu i premtoi besimtarëve hyrjen në xhenet.
إِنَّ ٱلَّذِينَ ءَامَنُوا۟ وَعَمِلُوا۟ ٱلصَّٰلِحَٰتِ كَانَتْ لَهُمْجَنَّٰتُ ٱلْفِرْدَوْسِ نُزُلًا
”Me të vërtetë, ata që besojnë dhe bëjnë vepra të mira, do të kenë shpërblim kopshtet e Firdeusit.” 3
Allahu i Lartësuar gjithashtu ka thënë:
يَٰقَوْمَنَآ أَجِيبُوا۟ دَاعِىَ ٱللَّهِ وَءَامِنُوا۟ بِهِۦ يَغْفِرْ لَكُم مِّن ذُنُوبِكُمْ وَيُجِرْكُم مِّنْ عَذَابٍ أَلِيمٍ
”O populli ynë, përgjigjuni thirrësit të Allahut dhe besoni Atij! Ai i falë mëkatet tuaja dhe ju shpëtonë prej dënimit të dhembshëm.” 4
Këto ajete tregojnë qartë se ata që i përgjigjen thirrjes së profetit të tyre dhe besojnë Allahun, do të shpërblehen me faljen e mëkateve të tyre e gjithashtu me shpëtimin nga dënimi. Prandaj, është e kuptueshme se ata do të hyjnë në xhenet, sepse nuk ka asgjë në botën tjetër, përveçse xhenetit dhe xhehnemit. Pra, ata të cilët do të mbrohen nga xhehenemi do të hyjnë në xhenet.”
1 Edh-Dharijat 51:56
2 Er-Rrahman 55:46
3 El-Kehf 18:107
4 El-Ahkaf 46:31