Xhinët dhe njerëzit i kam krijuar vetëm që të Më adhurojnë. [Edh-Dharijat 51:56]

A të dëgjojë ezanin apo të fali dy rekate tehijetul mesxhid?

Imam Muhamed bin Salih bin Uthejmin (v. 1421)
Mexhmu-ul-Fataua (12/192-193)
Përktheu: Valdet Gashi
www.perlatmuslimane.com

Pyetje: Një person hyn në xhami ndërsa muezini është duke e thirrur ezanin. Cila është gjëja më e mirë për të bërë në këtë rast?

Përgjigje: Më së miri është që të përsëritet ezani dhe më pas të thotë lutjet e sakta të transmetuara. Pastaj le të falë dy rekate tehijetul mesxhid. Megjithatë, disa dijetarë besojnë se personi i cili hyn në xhami ndërsa myezini po thërret ezanin e dytë për namazin e xhumasë, duhet t’i falë menjëherë këto dy rekate për të dëgjuar hutben e xhumasë. Shpjegimi i tyre është se është obligim dëgjimi i hutbes së xhumasë, ndërsa përsëritja e ezanit është e rekomanduar, është më e rëndësishme të kryesh një obligim sesa një rekomandim.


Sulejk El-Gatafanij hyri në xhami në ditën e xhuma, ndërkohë që i dërguari i Allahut ﷺ, mbante hutben. I dërguari i Allahut ﷺ e pyeti atë: ”A u fale (2 rekate tehijetul mesxhid)?”

Tha: “Jo.”

I dëguari i Allahut ﷺ i tha: “Atëherë ngrihu dhe fali dy rekate të lehta (të shkurtra)!”

Transmeton Ebu Daudi (1116) me zinxhir të saktë.

“Kur ndonjëri prej jush të hyjë në xhami, mos të ulet derisa të falë dy rekate.”

Transmeton Buhari (1163).

Shpërndaje: