Imam Salih bin Feuzan el-Feuzan
Sherh Fet’hul Mexhid (48)
Përktheu: Valdet Gashi
www.perlatmuslimane.com
Pyetje: A do të thotë thënia e imam Muhammed bin Abdil-Uehabit -rahimehullah-:
“Nëse ne nuk e deklarojmë kafir dikë që adhuron idhullin për shkak të paditurisë së tyre dhe mungesës së atyre që ua tërheqin vërejtjen.”1
A kuptohet nga këto fjalë se shejkhu e arsyeton njeriun që bën shirk me padituri?
Përgjigje: I padituri që nuk ka dikë që e mëson atë; atij që nuk i ka arritur asgjë dhe nuk ka dikë që ta mësojë. Ky justifikohet, po.
Por ai që dëgjon fjalimet e dijetarëve, hadithet në radio, leksionet dhe predikimet në xhamitë, ky nuk është i justifikuar, këtij i ka arritur thirrja, këtij i kanë arritur argumentet. Deri kur duhet të justifikohet me injorancë? A duhet që Muhammedi ﷺ t’i vjen atij që ta informojë në lidhje me gjendjen e tij? I dërguari ﷺ e kumtoi (shpalljen) në mënyrë të qartë. Ai e informoi tërë umetin. Atë që e ka arritur Kurani, atij i është ngritur argumenti.
Allahu -xhela ue ala- ka thënë:
“Ky Kuran më është shpallur në mënyrë që nëpërmjet tij t’ju tërheq vërejtjen juve dhe kujtdo që i përcillet.” El-Enam, 6:19
1 Fataua ue Mese’il esh-Shejkh Muhammed bin Abdil-Uehab, fq. 5-6, në Mexhmu Mu’al-lefet-ish-Shejkh Muhammed bin Abdil-Uehab, Vol. 2.