Imam Muhammed bin Salih bin Uthejmin (v. 1421)
Burimi: Bab el-Lika el-Maftuh (77 B)
Përktheu: Valdet Gashi
www.perlatmuslimane.com
Pyetje: Një grua dëshiron të agjërojë të hënave, të enjteve dhe dhjetë ditët e para të Dhul-Hixhes. Megjithatë, mund të ndodh që burri i saj nuk e dëshiron këtë. A i lejohet asaj që megjithatë të agjërojë?
Përgjigje: Gruas nuk i lejohet të agjërojë (nafile) në praninë e burrit pa lejen e tij. Kjo vlen për të hënat, të enjtet, ditët e bardha dhe dhjetë ditët e para të Dhul-Hixhes. Megjithatë, burri nuk duhet ta ndaloj atë nga veprat e mira. Kjo mund të shpie që ajo ta marrë me të keqe këtë. Nëse ai e lejon atë që të agjërojë ai e ndihmon atë me diçka të mirë, e cila në vetvete është e mirë. Prandaj unë e këshilloj burrin e saj që ai ta lejoj atë që të agjërojë. Por nëse ai insiston, atëherë asaj nuk i lejohet që të agjërojë në praninë e tij pa lejen e tij.