“Nuk i kam krijuar xhinët dhe njerëzit veçse që të më adhurojnë Mua.” [Edh-Dharijat 51:56]

Babai nuk ka të drejtë ta pengoj martesën e vajzës pa arsye sheriatike

Imam Salih bin Feuzan el-Feuzan

Burimi: http://youtu.be/MtCkbUYskq4
Përktheu: Valdet Gashi

www.perlatmuslimane.com

Pyetje: Një motër pyet se a lejohet që babai ynë të na ndalojë neve vajzave martesën pa ndonjë arsye edhe pse ai (babai) është i mirë, i frikësohet Allahut, falet dhe nuk merr paranë (pagat që ne marrim në punë) tonë, mirëpo nuk e dimë arsyen për veprimin e tij?

Përgjigje: Nëse një vajze i propozon një djalë martesën, dhe ajo është e kënaqur (e pranon martesën me atë djalë), ndërsa babai e pengon që të martohet me të, kjo është diçka e ndaluar, bile bile është prej mëkateve të mëdha.

Profeti ﷺ ka thënë:

إذا أتاكم من ترضون دينه و أمانته فزوجوه ، إلا تفعلوا تكن فتنة في الأرض و فساد كبير

“Nëse vjen te ju ndonjë djalë (dhe kërkon martesën e vajzës suaj) të cilit ia pëlqeni fenë dhe moralin, atëherë martojeni, e në qoftë se nuk e bëni këtë, dijeni se do të bëhet trazirë dhe rrëmujë e madhe mbi tokë.”

Nëse vajza e pranon kërkesën e djalit (është e kënaqur me të), atëherë është obligim i përgjegjësit të saj që ta martojë atë.

Shpërndaje: