Cili është gjykimi për gruan që lenë thonjtë të rriten?

Imam Salih bin Feuzan el-Feuzan 

Burimi: http://www.alfawzan.af.org.sa/

Përktheu: Valdet Gashi

 www.perlatmuslimane.com

Pyetje: Cili është gjykimi për gruan që lenë thonjtë të rriten?

Përgjigje: Kjo nuk  është e lejueshme as për gratë e as për burrat. Nga natyrshmëria e njeriut  dhe  nga  porositë e profetëve është që të prehen thonjtë. Njeriu nuk duhet ti ngjasojë  kafshëve siç janë  qenët  apo macet të cilat kanë kthetra. Allahu e ka ngritur njeriun lart, dhe duhet qenë larg nga veprat e tilla. Kjo është arsyeja pse nuk duhet të përngjasohet me kafshët qofshin ato të egra apo jo.

Së dyti, tek thonjtë e gjatë mblidhet ndyrësia. Kjo mund të dëmtojë shëndetin. Ndyrësia mund të mblidhet nën to nga papastërtia e  madhe  si papastërtia seksuale,  gjaku menstrual dhe papastërtia e foshnjave. Përveç kësaj uji duhet të arrijë të

gjithë gishtat dhe trupin. Nëse thonjtë janë të gjatë, aty krijohet ndyrësirë e cila pengon arritjen e ujit  gjatë marrjes abdes, andaj e bën abdesin të mos jetë i plotë. Pra nuk është e lejuar bartja e thonjve të gjatë. Pengesat për këtë janë nga kënde të ndryshme.