Komisioni i Përhershëm për Kërkime dhe Fetva
Abdullah Ibn Kuud
Abdullah Ibn Gudejjan
Abdurr-Rrazak Afifi
Abdul-Aziz ibn Abdullah Ibn Baz
Burimi: www.alfita.com
Përktheu: ValdetGashi
www.perlatmuslimane.com
Pyetje: Cili është gjykimi për nikabin (mbulimin e fytyrës) në Islam?
Përgjigje: Sa i përket nikabit, dijetarët arabë e kanë përshkruar atë si mbulesa që lejon të duket vetëm hapësira e syrit. Ebu Ubejde ka thënë: “Nikabi është ajo mbulesë prej nga duket vetëm vrima e syrit. Arabët e quanin atë ‘El-Uesueseh’ ose ‘El-Burku’u’.”
Mbajtja e nikabit nga gratë është e lejuar në Islam. Ky gjykim mbështetet në hadithin e transmetuar nga Abdullah ibn Umeri -radijAllahu anhu- i cili ka rrëfyer se profeti ﷺ ka thënë:
“Gruaja në ihram nuk duhet të mbajë nikab apo dorëza.”
Transmeton Bukhari (4/42), Nesai (2/9-10), Bejhaki (5/46-47) dhe Ahmedi (6004), të cilët gjithashtu e klasifikuan këtë si hadith sahih.
Në një transmetim tjetër Abdullah ibn Umeri -radijAllahu anhu- ka thënë:
“E kam dëgjuar profetin ﷺ t’i ketë ndaluar gratë në ihram nga veshja e dorëzave dhe nikabit…”
Transmeton Ahmedi dhe Ebu Daudi.
Fakti që profeti ﷺ ua ka ndaluar grave veshjen e nikabit gjatë gjendjes së ihramit tregon qartë se në kohë të tjera jashtë ihramit, mbulimi i fytyrës me nikab është i lejuar. Megjithatë, ky ndalim nuk do të thotë se një gruaje në ihram i lejohet të qëndrojë me fytyrë të zbuluar përpara burrave të huaj (të cilët janë të lejuar për martesë me të).
Përkundrazi në një situatë të tillë asaj i kërkohet që të lëshojë mbulesën e saj nga lart për të mbuluar fytyrën, pa veshur nikab ose dorëza në mënyrën që janë të ndaluara në ihram. Ky rregull mbështetet në hadithin e transmetuar nga Aishah -radijAllahu anha- e cila thotë:
“Kalorësit kalonin pranë nesh kur ishim me të dërguarin e Allahut ﷺ në ihram. Kur ata afroheshin, secila prej nesh tërhiqte xhilbabin nga koka mbi fytyrën e saj. Sapo na kalonin, ne i zbulonim fytyrat përsëri.”
Transmeton Ahmedi (24522), Ebu Daudi dhe Ibn Maxheh.
Allahu na dhëntë sukses! Paqja dhe mëshira e Allahut qofshin mbi profetin Muhamed, mbj familjen dhe mbj shokët e tij.