“Nuk i kam krijuar xhinët dhe njerëzit veçse që të më adhurojnë Mua.” [Edh-Dharijat 51:56]

Dëshmia e divorcit dhe kur ta kthen gruan pas divorcit

Shejkh-ul-Islam Ahmed bin Tejmijeh (v. 728)

Burimi: El-Fataua el-Irkaijjah (2/1117)

Përktheu: Valdet Gashi

www.perlatmuslimane.com

Fakti që një divorc duhet të dëshmohet është diçka për të cilën i tërë umeti është unanim. Disa thonë se është e detyrueshme, të tjerët thonë se është e rekomandueshme. Disa besojnë se dëshmia do të thotë vetë divorci dhe se divorci i padëshmuar është i pavlefshëm. Ky mendim shkon kundër konsensusit të Selefëve, Kuranit dhe Sunnetit. Asnjë dijetar i njohur kurrë nuk e ka pasur këtë mendim. Kur u lejua divorci, nuk u obligua asnjë dëshmi. Dëshmia u urdhërua në lidhje me:

فَإِذَا بَلَغْنَ أَجَلَهُنَّ فَأَمْسِكُوهُنَّ بِمَعْرُوفٍ أَوْ فَارِقُوهُنَّ بِمَعْرُوفٍ وَأَشْهِدُوا ذَوَيْ عَدْلٍ مِّنكُمْ وَأَقِيمُوا الشَّهَادَةَ لِلَّهِ

 “E kur t’i afrohen ato mbarimit të afatit të tyre, atëherë ose mbani (i ktheni në jetën bashkëshortore) si duhet, ose ndahuni prej tyre si është e udhës, e këtë do ta dëshmojnë dy dëshmitarë të drejtë nga mesi juaj dhe dëshminë zbatojeni për hir të Allahut.”1

Ajeti ka për qëllim ndarjen e gruas me kërkesën e saj, pas përfundimit të periudhës së pritjes, e cila nuk është as divorc, kthim i gruas tek burri apo martesë. Sipas konsensusit divorci nuk duhet të dëshmohet. Kështu, kuptohet se kthimi i gruas pas kësaj ndarjeje duhet te dëshmohet me dëshmitarë.


1 65:2

Shpërndaje: