Imam Muhammed bin Ali esh-Shaukani (v. 1250)
Fet’h-ul-Kadir (1/308)
Përktheu: Valdet Gashi
www.perlatmuslimane.com
Allahu -azze ue xhel- ka thënë:
“Dhe përgatituni për udhëtim, e vërtetë përgatitja më e mirë është devotshmëria.” El-Bekare, 2:197
Këtu kemi një urdhër për të marrë me vete furnizim. Disa arab e kishin zakon të thoshin:
“Si të bëjmë haxhin në shtëpinë e Zotit tonë kur Ai nuk na ushqen?”
Ata bënë haxhin pa furnizim dhe thanë se mbështeteshin në Allahun -subhaneh-.
Një shpjegim tjetër është se ju të bëni veprime të mira për jetën e ardhshme:
“… e vërtetë përgatitja më e mirë është devotshmëria.”
Shpjegimi i parë është më mbizotërues dhe në përputhje me arsyet prapa shpalljes së ajetit.
Ibn Abbasi -radijAllahu anhuma- tha:
“Jemenasit e bënin haxhin pa furnizim dhe thoshin: “Na mbështetemi në Allahun.”
Kur mbërrinin në Mekë, fillonin të lypin nga njerëzit. Pastaj Allahu e shpalli:
“Dhe përgatituni për udhëtim, e vërtetë përgatitja më e mirë është devotshmëria.”
Transmeton Abd bin Humejd, Bukhari, Ebu Daudi, Nesai dhe të tjerët.