Imam Muhammed bin Ahmed el-Kurtubi
Burimi: Muntaka et-Tedhkirah, fq. 149
Përktheu: Valdet Gashi
www.perlatmuslimane.com
Hannad bin es-Sirri ka thënë: Na kanë treguar Muhamed bin Fudejl dhe Uaki, nga Fitër i cili ka thënë: E pyeta Muxhahidin në lidhje me fjalët e Allahut (Te’ala):
وَمِن وَرَائِهِم بَرْزَخٌ إِلَى يَوْمِ يُبْعَثُونَ
“…prapa tyre është një pengesë (Berzah) deri në ditën kur do të ringjallen.” 1
Ai u përgjigj: “Kjo është një periudhë kohore në mes të vdekjes dhe ringjalljes.”
I është thënë Sha’biut se një person kishte vdekur. Ai tha: “Ai as nuk është në këtë jetë e as në jetën e përhershme, ai është në Barzah.”
Sipas arabëve, fjala ‘Barzah’ do të thotë një pengesë midis dy gjërave. Për shembull, ka thënë Allahu (Te’ala):
وَجَعَلَ بَيْنَهُمَا بَرْزَخًا
“…e ndërmjet tyre ka vënë pengesë.” 2
Pra, do të thotë pengesë. E njëjta gjë vlen edhe për kuptimin e drejtë të ajetit, dhe se ajo (berzah) është koha prej vdekjes deri në Ditën e Gjykimit. Ai që vdes përfundon në Berzah. Pjesë e kësaj është, fjala e Allahut (Te’ala) që e cekëm më lartë:
وَمِن وَرَائِهِم بَرْزَخٌ إِلَى يَوْمِ يُبْعَثُونَ
“…prapa tyre është një pengesë (Berzah) deri në ditën kur do të ringjallen.” 3
1 El-Mu’minun 23:100
2 El-Furkan 25:53
3 El-Mu’minun 23:100