Xhinët dhe njerëzit i kam krijuar vetëm që të Më adhurojnë. [Edh-Dharijat 51:56]

Durim dhe Islam deri në vdekje

Alameh Abdurr-Rrahman bin Nasir es-Sa’di (v. 1376)
Tejsir-ul-Kerim, fq. 300
Përktheu: Valdet Gashi
www.perlatmuslimane.com

Allahu -tebarek ue te ala- tregoi se magjistarët thanë:

“Ti po hakmerresh ndaj nesh vetëm pse besuam shenjat e Zotit tonë, posa na erdhën. O Zoti ynë, na jep durim të madh dhe bëna të vdesim muslimanë!” El-A’raf, 7:126

Do të thotë e vetmja gjë për të cilën po na kritikon dhe kërcënon është se ne u besuam shenjave të Zotit tonë kur ato na arritën.

Nuk kemi bërë asnjë mëkat tjetër. Nëse ky është një mëkat, vepruesi i të cilit meriton të dënohet, atëherë le të jetë ky mëkati ynë.

Pastaj e lutën Allahun për përqëndrim dhe durim dhe thanë:

“O Zoti ynë, na jep durim të madh dhe bëna të vdesim muslimanë!”

Na jep durim të madh, sepse durimi përmendet në formë të pacaktuar. Ishte një sprovë e madhe e cila çoi në vdekjen e njerëzve, prandaj kërkoi durim të madh.

Zemrat duhej të stabilizoheshin dhe besimtarët duhej të ndiheshin të qetë në besimin e tyre dhe t’i shpëtonin një ankthi të madh.

”…dhe bëna të vdesim muslimanë!”

Për derisa ne i nënshtrohemi urdhrit Tënde dhe ndjekim të dërguarin Tënd. Me sa duket atyre u ndodhën këto gjëra me të cilat u kërcënuan dhe Allahu ua bëri zemrat të qëndrueshme.

Shpërndaje: