Xhinët dhe njerëzit i kam krijuar vetëm që të Më adhurojnë. [Edh-Dharijat 51:56]

Fyerja ndaj sahabëve

Imam Salih bin Feuzan el-Feuzan 

Burimi: http://www.alfawzan.af.org.sa/node/14100

 www.perlatmuslimane.com

Pyetje: Cili është gjykimi për fyerjen ndaj sahabëve? Po ashtu, çfarë do të thonë fjalët e profetit ﷺ:

لا تسبوا أصحابي

“Mos i fyeni shokët e mi!”

Përgjigje: Fyerja ndaj sahabëve do të thotë të nënçmuarit e tyre, kritikimi dhe të kërkimi i gabimeve të tyre për shkak të epshit/tekeve dhe urrejtjes. Sahabët nuk i fyen kush pos ai i cili është armik i Islamit dhe myslimanëve.

Sahabët ishin ata që e bartën Islamin pas vdekjes së të dërguarit ﷺ. Ata e përhapën Islamin në lindje dhe perëndim. Ata ishin që e bartën dijen dhe i mësuan njerëzit. Allahu (azze ue xhel) ka thënë:

وَالَّذِينَ جَاؤُوا مِن بَعْدِهِمْ يَقُولُونَ رَبَّنَا اغْفِرْ لَنَا وَلِإِخْوَانِنَا الَّذِينَ سَبَقُونَا بِالْإِيمَانِ وَلَا تَجْعَلْ فِي قُلُوبِنَا غِلًّا لِّلَّذِينَ آمَنُوا رَبَّنَا إِنَّكَ رَؤُوفٌ رَّحِيمٌ

”Dhe ata që erdhën pas tyre, thonë: “Zoti ynë! Na fal ne dhe vëllezërit tanë që qenë para nesh në besim dhe mos na fut në zemrat tona asnjë grimcë urrejtje ndaj atyre që besuan. Zoti ynë! Vërtet Zoti ynë Ti je i Butë, Mëshirues!” 59:10

Sahabëve nuk u bën dëm fyerja e atyre njerëzve të këqij, të cilët kanë urrejtje për Islamin dhe myslimanët. Allahu (xhela ue ala) ka thënë:

قُلْ مُوتُواْ بِغَيْظِكُم

“Thuaju: “Plasni (vdisni) me mllefin tuaj.” 3:119

Allahu në fund të sures “El-Fet’h” pasi përmendi sahabët, tha:

لِيَغِيظَ بِهِمُ الْكُفَّارَ

“…me qëllim që nëpërmjet tyre, Ai t’i zemërojë jobesimtarët.” 48:29

Pra, nuk zemërohet askush tjetër ndaj sahabëve përveç jobesimtarët. Besimtarët i duan sabahët, ata thonë:

وَالَّذِينَ جَاؤُوا مِن بَعْدِهِمْ يَقُولُونَ رَبَّنَا اغْفِرْ لَنَا وَلِإِخْوَانِنَا الَّذِينَ سَبَقُونَا بِالْإِيمَانِ وَلَا تَجْعَلْ فِي قُلُوبِنَا غِلًّا لِّلَّذِينَ آمَنُوا رَبَّنَا إِنَّكَ رَؤُوفٌ رَّحِيمٌ

“Edhe ata që erdhën pas tyre, thonë: “O Zoti ynë, falna neve dhe vëllezërit tanë, të cilët kanë besuar para nesh dhe mos lejo që në zemrat tona të ketë asnjë të keqe ndaj besimtarëve! O Zoti ynë, Ti je vërtet i Butë dhe Mëshirëplotë!” 59:10

Pra, vetëm njerëzit që janë të këqij, ziliqarë dhe urrejtës të fesë Islame i fyejnë ata.”

Shpërndaje: