“Nuk i kam krijuar xhinët dhe njerëzit veçse që të më adhurojnë Mua.” [Edh-Dharijat 51:56]

I vijnë sekrecione të kafta gjatë agjërimit

Imam Muhammed bin Salih bin Uthejmin (v. 1421)

Burimi: Mexhmu-ul-Fataua (19/105)

Përktheu: Valdet Gashi

www.perlatmuslimane.com

Pyetja nr 64: Një grua që kishte periudhën e saj mujore, gjaku i saj iu ndal në ditën e gjashtë. Nuk dukej gjak fare nga perëndimi i diellit deri në ora 24:00. Për shkak të kësaj ajo kishe bërë gusël dhe kishte agjëruar ditën në vijim. Në ditën që agjëronte, asaj i erdhën sekrecione të kafta. A i përket kjo periudhës së saj mujore duke pasur parasysh se periudha e saj zgjatë shtatë ditë?

Përgjigje: Sekrecionet e turbullta nuk i përkasin periudhës mujore. Pasi që është pastruar sekrecionet e turbullta nuk ndikojnë asgjë.

Umm Atijjeh (radijAllahu anha) ka thënë:

”Lëngun e verdhë dhe atë të turbullt që vjen pas menstruacioneve nuk e kemi llogaritur të jetë prej menstruacioneve.” 1

Në një transmetim tjetër thuhet:

”Ne nuk e konsideronim atë të turbulltën dhe të verdhën të jetë diçka.”2


Menstruacionet janë gjak dhe nuk janë as sekrecione të turbullta dhe as të verdha. Në bazë të kësaj agjërimi i gruas është i saktë në ditën që ajo nuk i ka parë sekrecionet e turbullta të saj dhe në ditën që ajo i pa ato. Sikurse u tha sekrecionet e turbullta nuk janë gjak menstrual.

1 Ebu Daudi nr 307.

2 Bukhari nr 326.

Shpërndaje:

Dela på facebook
Dela på whatsapp
Dela på telegram