Imam Muhammed bin Salih bin Uthejmin (v. 1421)
El-Lika esh-Shehri (76 B)
Përktheu: Valdet Gashi
www.perlatmuslimane.com
Pyetje: A lejohet huazimi i parave për ta bërë haxhin? A është haxhi i borxhliut korrekt pa marrë parasysh se a merr leje nga huadhënësi apo jo?
Përgjigje: Ne jemi të detyruar që ta falënderojmë Allahun -azze ue xhel- që Ai nuk e ka obliguar borxhliun që ta bëjë haxhin. Ai e ka vendosur këtë nga mëshira për njerëzit. Nuk duhet ta bësh haxhin nëse je në borxh sepse nuk je i detyruar që ta bësh haxhin fare. Nëse e takon Zotin tënd në këtë gjendje, nuk e takon Atë duke qenë neglizhent sepse nuk je i detyruar ta bësh haxhin. Prandaj duhet ta falënderosh Allahun i Cili ta ka lehtësuar çështjen.
Të drejtat e njerësve nuk janë kontestuese dhe nuk bien. Ndërsa e drejta e Allahut është ndërtuar mbi tolerim. A po e refuzon mirësinë e Allahut dhe dëshiron të bësh haxhin dhe të kesh borxhin mbi vete kur nuk është e obligim për ty që ta bësh haxhin? Borxhliu nuk është i obliguar që ta bëjë haxhin.
Përjashtimi i vetëm është personi që ka një borxh me afat të caktuar dhe është i sigurt se do ta paguajë dhe ai ka para të mjaftueshme për të bërë haxhin. Në këtë rast i lejohet ta bëjë haxhin sepse ai nuk shqetësohet nga kjo. Përgjatë kësaj personi i cili i ka para borxh fondit shtetëror dhe është i bindur se do ta paguajë borxhin kur të ketë hyrë koha për kthimin e borxhit dhe ka para për ta bërë haxhin, le ta bëjë haxhin. Ndërsa atij nuk i lejohet ta bëjë këtë nëse nuk është i sigurt se mund ta kthej borxhin. Në vend të kësaj ai duhet të mbajë paratë e tij dhe ta paguajë borxhin kur t’i vjen koha përkthimin e tij.