Imam Feuzan lidhur me mospajtimin mes Lexhnës dhe Halebiut

Pyetje: ”Çfarë mendoni në lidhje me personin i cili beson se mosbesimi përjashtonë nga feja vetëm nëse e konsideron atë të lejuar? A është e vërtetë se mospajtimi në mes Komisionit të Fetvave dhe Ali el-Halabiut është vetëm figurativ?”

Përgjigje: ”Na kurseni nga ky fjalim. Dijetarët tashmë e kanë shpjeguar çështjen e daljes nga feja. Ajo është shpjeguar në librat e Fikhut dhe të Teuhidit. Ne nuk jemi në nevojë për një person të ri i cili iu hudhet njerëzve me teoritë e tij, me injorancën e tij dhe gënjeshtrat e tij. Ne nuk jemi në nevojë për këta njerëz. Na mjaftojnë mendimet e dijetarëve tanë dhe atë që ata kanë shkruar në librat autentike të Fikhut dhe të Akides. Kjo na mjafton. Ne i pasojmë ato dhe braktisim këto libra të reja dhe këto ”shtirje studimesh të reja” që kanë zënë të rinjtë dhe njerëzit.”