Imam Muhammed bin Salih bin Uthejmin (v. 1421)
Burimi: Lika el-Bab el-Maftuh (16 B), min: 27.20
Përktheu: Valdet Gashi
www.perlatmuslimane.com
Pyetje: Një njeri që është hafidh i Kuranit, por çalon dhe përdor aparate për t’u ngritur dhe për t’u ulur. A është e lejuar për t’u falur pas tij në rast nevoje?
Përgjigje: Po. Lejohet të jesh imam ndërsa nuk mund të qëndrosh në këmbë, të zbresësh në ruku dhe të zbresësh në sexhde sepse namazi i tij është i vlefshëm. Është saktësuar se profeti ﷺ u ul dhe u falë ndërsa sahabët qëndronin në këmbë ndërsa ai iu bëri me isharet që të ulen. Pas namazit ai tha se imami duhet të ndiqet dhe:
“Nëse ai falet ulur edhe ju duhet të faleni ulur.”
Mendimi i saktë është se përderisa namazi i një personi është i vlefshëm, është gjithashtu e vlefshme për t’u falur pas tij.