“Nuk i kam krijuar xhinët dhe njerëzit veçse që të më adhurojnë Mua.” [Edh-Dharijat 51:56]

Imami shkruan “formula” që i ndan apo i lidh bashkëshortët!

Imam Salih bin Feuzan el-Feuzan 

Burimi: “El-Fetaua el-Kajjimeh lil-Usratil-Muslimeh, faqe 77-78

Përmblodhi: Sa’d Abdul-Gaffar Ali

Përgatiti: www.perlatmuslimane.com

Pyetje: “Një imam xhamie shkruan tekste kinse “formula dashurie” –siç i quan ai, të cilat janë shkas që gruaja të ketë kontroll mbi burrin dhe anasjelltas, apo që ata të ndahen. A është kjo magji apo çfarë është?”

Përgjigje: “Ai që shkruan formula të tilla të cilat kinse janë shkak që çifti bashkëshortorë në fjalë ta duan njëri-tjetrin ose të ndahen, atëherë themi se ai është magjistar! Allahu Te’ala, në lidhje me ata që ua mësojnë magjinë të tjerëve dhe ata që e mësojnë magjinë ka thënë:

فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ وَمَا هُم بِضَآرِّينَ بِهِ مِنْ أَحَدٍ إِلاَّ بِإِذْنِ اللّهِ

“Dhe njerëzit mësuan nga këta të dy se si t’i ndajnë bashkëshortët. Por ata nuk mund t’i bëjnë dëm askujt pa lejen e Allahut.” 2:102

Magjia është mosbesim dhe magjistari është jobesimtarë. Allahu Te’ala, në Librin e Tij thotë se magjia është mosbesim:

وَمَا كَفَرَ سُلَيْمَانُ وَلَكِنَّ الشَّيْاطِينَ كَفَرُواْ يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ وَمَا يُعَلِّمَانِ مِنْ أَحَدٍ حَتَّى يَقُولاَ إِنَّمَا نَحْنُ فِتْنَةٌ فَلاَ تَكْفُرْ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ وَمَا هُم بِضَآرِّينَ بِهِ مِنْ أَحَدٍ إِلاَّ بِإِذْنِ اللّهِ وَيَتَعَلَّمُونَ مَا يَضُرُّهُمْ وَلاَ يَنفَعُهُمْ وَلَقَدْ عَلِمُواْ لَمَنِ اشْتَرَاهُ مَا لَهُ فِي الآخِرَةِ مِنْ خَلاَقٍ

“E Sulejmani nuk ishte mohues, por djajtë ishin mohues. Ata u mësonin njerëzve magjinë dhe dijeninë që u ishte dërguar dy engjëjve në Babiloni – Harutit e Marutit. Këta engjëj nuk i mësonin ndokujt magji, pa i thënë: “Ne jemi dërguar për t’ju vënë në provë, andaj ti mos u bëj mohues (duke mësuar apo ushtruar magjinë)!” Dhe njerëzit mësuan nga këta të dy se si t’i ndajnë bashkëshortët. Por ata nuk mund t’i bëjnë dëm askujt pa lejen e Allahut. E megjithatë, njerëzit mësojnë ato gjëra që i dëmtojnë e nuk u bëjnë dobi. Në të vërtetë, ata e dinin se ai që e përvetësonte këtë mjeshtëri, nuk do të kishte kurrfarë të mire në jetën tjetër.” 2:102

Argumentet e qarta vërtetojnë se magjia dhe të mësuarit e saj është mosbesim, ndërsa magjistari është jobesimtarë. Ekziston një hadith që thotë se, dënimi i magjistarit është prerja e kokës (gjë të cilën duhet ta bëj gjykata e jo individët (v.p.)). Ai duhet të ekzekutohet si jobesimtarë. Ky është mendimi i saktë në këtë mesele.

Personi i tillë nuk duhet t’u prij njerëzve në namaz, sepse ai nuk është mysliman. Nuk është e lejuar apo e vlefshme për t’u falur pas tij. Udhëheqësi mysliman është i detyruar që ta kap magjistarin dhe t’i japë atij gjykimin e drejtë, në mënyrë që ai të mos e dëmtojë shoqërinë. Nëse magjia përhapet në një shoqëri, atëherë ajo shoqëri do të shkatërrohet, poshtërohet dhe në të do të mbisundojnë mitet dhe mitologët!”

Shpërndaje: