Alameh Mukbil bin Hadi el-Uadi’i (v. 1422)
Burimi: Es-Sahih el-Musnad fq. 9
Përktheu: Valdet Gashi
www.perlatmuslimane.com
Në të vërtetë, unë – me mirësinë e Allahut – e dua librin e Zotit tim dhe sunnetin e bukur, sidomos Sahih el-Bukharin dhe Sahih el-Muslim. Për mua leximi i tyre është kënaqësia më e ëmbël në dunja.
Në të vërtetë, kur hap Sahih el-Bukharin dhe them: imam Bukhari (rahimehullah) ka thënë: na ka transmetuar Abdullah bin Jusuf i cili ka thënë: na ka transmetuar Malik…
Ose nëse hap Sahih Muslimin dhe them: imam Muslimi (rahimehullah) ka thënë: na ka transmetuar Jahja bin Jahja i cili ka thënë: i lexova Malikut..”, atëherë i harroj të tëra angazhimet dhe problemet e dunjasë.