Imam Salih bin Feuzan El-Feuzan
Përktheu: Valdet Gashi
www.perlatmuslimane.com
Pyetje: Cili është gjykimi mbi atë që mbron librat e pasuesve të bidateve dhe tekfirit, këshillon të rinjtë që t’i lexojnë ato, i qorton dhe kundërshton ata që paralajmërojnë kundër tyre?
Përgjigje: Ky është tradhtar ndaj umetit, ky që nxit për leximin e librave që përmbajnë devijime dhe dyshime është tradhtar ndaj umetit (muslimanëve), dhe është tradhtar gjithashtu ndaj Librit të Allahut dhe sunnetit të profetit.
Profeti ﷺ tha: “Feja është këshillë.”
I thamë: “Për kë o i dërguar i Allahut?”
Ai ﷺ tha: “Për Allahun, për të dërguarin e Tij, për Librin e Tij, për prijësit e muslimanëve dhe për të gjithë muslimanët.”
Transmeton Bukhari dhe Muslimi.
Është e domosdoshme që e vërteta të shpjegohet, të sqarohet dhe të bëhet thirrje në të pavarësisht se kush kënaqet apo zemërohet me këtë.
Hadithi i plotë:
Temim Ed-Darij -radijAllahu anhu- rrëfeu se profeti ﷺ ka thënë:
“Feja është këshillë, feja është këshillë, feja është këshillë.”
I thamë: “Për kë o i dërguar i Allahut?”
Ai ﷺ tha: “Për Allahun, për të dërguarin e Tij, për Librin e Tij, për prijësit e muslimanëve dhe për të gjithë muslimanët.”
Transmeton Bukhari dhe Muslimi.