“Nuk i kam krijuar xhinët dhe njerëzit veçse që të më adhurojnë Mua.” [Edh-Dharijat 51:56]

Leximi i ajeteve të veçanta në namaz në pritje të muajit të Ramazanit

Shejkh Abdullah el-Adani 
Përgatiti: www.perlatmuslimane.com

Pyetje: ”Një prej imamëve, ditëve para se të hyjë muaji i Ramazanit në namazet me zë, shpeshherë lexon ajetet që përmendin agjërimin. Çfarë është gjykimi për një veprim të tillë? Ai, gjithashtu dhjetë netët e fundit të Ramazanit e lexon shpeshherë suren el-Kadr.”

Përgjigje: ”Nuk transmetohet se Profeti -صلى الله عليه وسلم- veçonte pritjen e muajit të Ramazanit me leximin e ajeteve të agjërimit. Disa prej dijetarëve, theksojnë se veçimi i disa ajeteve apo sureve në pritje të ditëve e muajve të veçanta, nuk është prej Sunnetit.

Përkundrazi, nëse me këtë gjë synohet të bëhet adhurim ndaj Allahut e Lartësuar atëherë ka mundësi që ky veprim të bëhet Bidat. Për këtë arsye, nuk është e preferuar që në të veçohen ditë të tilla të lexohen ajete të caktuara.

Nëse ndonjëherë ndodhë që t’i lexojë (këto ajete në ditë të caktuara), insha-Allah është e lejuar dhe nuk ka të keqe ngase të gjithë ajetet janë prej Kuranit.

Ndërsa e njëjta gjë të ndodhë çdo vit –ashtu siç po kuptohet nga pyetja-, d.m.th. që t’i veçojë këto ditë me leximin e sureve dhe ajeteve të caktuar, pa e marrë parasysh a është në pritje të muajit apo në përfundim të tij, kjo nuk është prej Sunnetit të Profetit -صلى الله عليه وسلم- e as prej praktikës së Sahabëve të tij (Allahu qoftë i kënaqur me ta).

Thotë Profeti -صلى الله عليه وسلم- : “Udhëzimi më i mirë është udhëzimi i Muhamedit -صلى الله عليه وسلم-, ndërsa veprimet më të këqija janë ato të shpikurat.”

Shpërndaje: