“Nuk i kam krijuar xhinët dhe njerëzit veçse që të më adhurojnë Mua.” [Edh-Dharijat 51:56]

Martesa me amerikane për të marrë lejen e qëndrimit

Alameh Mukbil bin Hadi el-Uadi’i (v. 1422)

Burimi: Tuhfat-ul-Muxhib, fq. 63-64

Përktheu: Valdet Gashi

www.perlatmuslimane.com

Pyetje: Cili është gjykimi për t’u martuar me një amerikane idhujtare për të marr lejen e qëndrimit në Amerikë?

Përgjigje: Ai nuk i beson premtimit të Allahut (subhanehu ue te ala):

وَمَا مِن دَآبَّةٍ فِي الأَرْضِ إِلاَّ عَلَى اللّهِ رِزْقُهَا وَيَعْلَمُ مُسْتَقَرَّهَا وَمُسْتَوْدَعَهَا كُلٌّ فِي كِتَابٍ مُّبِينٍ

 “Nuk ka asnjë gjallesë në tokë që Allahu të mos ia ketë garantuar furnizimin e saj, Ai e di vendbanimin dhe vendstrehimin e saj (në fazat e ndryshme të qenies së gjallesës, në vezë, në mitër, në jetën në tokë, në ruajtjen pas vdekjes, në varre etj): gjithçka është në Libër të Qartë (El-Leuh El-Mahfudh – Libri i Vendimeve dhe Urdhrave tek Allahu).”1

وَكَأَيِّن مِن دَابَّةٍ لَا تَحْمِلُ رِزْقَهَا اللَّهُ يَرْزُقُهَا وَإِيَّاكُمْ وَهُوَ السَّمِيعُ الْعَلِيمُ

“Dhe sa shumë krijesa të gjalla nuk munden të furnizojnë vetët e tyre! Allahu është i Cili i furnizon ata dhe ju. Dhe Ai është Gjithëdëgjuesi, i Gjithëdituri.”

Atij nuk i lejohet të martohet me një grua idhujtare:

لَا هُنَّ حِلٌّ لَّهُمْ وَلَا هُمْ يَحِلُّونَ لَهُنَّ

 “Sepse ato nuk janë (bashkëshorte) të ligjshme për mosbesimtarët dhe as mosbesimtarët nuk janë (bashkëshortë) të ligjshëm për ato.”3

Atij nuk i lejohet të martohet me një grua idhujtare për të marrë leje qëndrimin në Shtetet e Bashkuara. A është SHBA xheneti? Shtetet e Bashkuara janë të tronditura dhe kanë frikë jashtëzakonshme ndaj Islamit dhe muslimanëve.

Sa i përket shtetësisë, nuk i lejohet atij ta marrë atë nëse ia japin atij me kusht që ai të respektojë ligjin e SHBA-së dhe t’i nënshtrohet atij. Ne nuk e respektojmë Kushtetutën e SHBA-së. E vëmë atë nën këmbët tona. Shejkh Muhammed es-Subejjil ka një libërth shumë të vlefshëm që trajton shtetësinë në vendet joislame. Ai duhet të lavdërohet për të. E falënderoj për atë që ka shkruar. Falë Allahut kam përfituar nga ai libër dhe unë e rekomandoj atë.


1 11:6

2 29:60

3 60:10

Shpërndaje:

Dela på facebook
Dela på whatsapp
Dela på telegram