Shejkhul Islam Ibnu Tejmijeh (v. 728)
Mukhtasar-ul-Fataua el-Misrijjeh (1/468-469)
Shkurtoi: Imam Badr-ud-Din Muhammed bin Ali el-Hanbeli el-Ba’li (v. 777)
Përktheu: Valdet Gashi
www.perlatmuslimane.com
Është transmetuar se profeti ﷺ ka thënë:
“Agjërimi i ditës së Arafatit shlyen mëkatet e dy viteve dhe agjërimi i ditës së Ashures shlyen mëkatet e një viti.”
Transmeton Muslimi (1162) dhe Ebu Daudi (749).
Por vetëm për shkak se profeti ﷺ tha në mënyrë të pakufizuar se kjo shlyen mëkatet, kjo nuk do të thotë se ato shlyejnë mëkatet e mëdha pa u penduar për to.
Profeti ﷺ ka thënë:
“Pesë namazet obligative, xhumaja deri në xhumanë tjetër dhe Ramazani deri në Ramazanin tjetër shlyejnë mëkatet që ndodhin ndërmjet tyre përderisa shmangen mëkatet e mëdha.”
Transmeton Muslimi (233), Tirmidhi (214), Ibn Maxheh (106) dhe Ahmedi (2/359).
Është e njohur gjerësisht se namazi është më i mirë se agjërimi dhe se agjërimi i Ramazanit është më madhështorë se agjërimi i ditës së Arafatit dhe se mëkatet nuk shlyhen nëse nuk shmangen mëkatet e mëdha, të cilën e kufizoi profeti ﷺ. Atëherë si mund të besojnë se agjërimi nafile i ditës së Arafatit shlyen mëkatin e zinasë, vjedhjes, pirjes së alkoolit, bixhozit, magjisë dhe mëkate të tjera? Kjo nuk ndodh.