“Nuk i kam krijuar xhinët dhe njerëzit veçse që të më adhurojnë Mua.” [Edh-Dharijat 51:56]

Mënyra e faljes së namazit të Bajramit – Feuzan

Imam Salih bin Feuzan el-Feuzan

Burimi: http://www.alfawzan.af.org.sa/node/14073

 Përktheu: Valdet Gashi

www.perlatmuslimane.com

6 – Është ligjësuar që namazet e Bajramit të falen pas lindjes së diellit. Namazi duhet të falet pa ezan dhe pa ikamet. Namazi i Bajramit përbëhet nga dy rekate. Rekati i parë përbëhet nga shtatë tekbire dhe rekati i dytë përbëhet nga pesë tekbire. Është sunnet për imamin që të lexojë suret ”el-Ala” dhe”el-Gashije”, dhe (ose) ”Kaf” dhe ”el-Kamer”. Hutbeja duhet të bëhet pas namazit. Është shumë e rekomanduar për gratë që të marrin pjesë. Disa nga argumentet për këtë janë:

1 – Aishah (radijAllahu anha) ka thënë:

”Gjatë namazeve të Fitër Bajramit dhe Kurban Bajramit i dërguari i Allahut ﷺ bëri shtatë tekbire në rekatin e parë dhe pesë tekbire në të dytin.” Sahi Sunen Ebi Davud.

2 – En-Nu’man bin Beshiri (radijAllahu anhu) ka thënë:

”Gjatë namazeve të Bajramit i dërguari i Allahut lexoi suret ”el-A’la” dhe ”Gashijeh.” Sahi Sunen Ibn Maxheh.

3 – Ubejdullah bin Abdil-lah bin Umer bin el-Khatab e pyeti Ebu Uakid el-Lejthin:

”Çka lexoi i dërguari i Allahut ﷺ gjatë namazeve të Fitër Bajramit dhe Kurban Bajramit?” Ai u përgjigj: ”Ai lexoi suret ”Kaf” dhe ”El-Kamer”.” Muslimi.

Shpërndaje:

Dela på facebook
Dela på whatsapp
Dela på telegram