Imam Muhammed bin Salih bin Uthejmin (v. 1421)
Burimi: Lika el-Bab el-Maftuh (13 A), min: 24.18
Përgatiti: www.perlatmuslimane.com
Pyetje: Çfarë do të thotë teuesuli nëpërmjet lutjes së njerëzve të devotshëm?
Përgjigje: Teuesuli nëpërmjet lutjes së njerëzve të devotshëm lejohet. Njerëzit e kishin zakon të kërkonin tek Allahu ndërmjetësimin e profetit në lutje. Ndërsa profeti (salAllahu alejhi ue selem) mbante hytben një të premte, një njeri erdhi dhe tha:
“O i dërguari i Allahut! Pasuritë u shkatërruan, rrugët janë prerë; lute Allahun që Ai të na jep shi.” Ai ngriti duart dhe u lut: “O Allah, na jep shi. O Allah, na jep shi. O Allah, na jep shi.”
Kur profeti (salAllahu alejhi ue selem) tregoi në lidhje me 70.000 persona prej umetit të tij të cilët do të hyjnë në xhenet pa dhënë llogari dhe pa u dënuar, Ukasheh (radijAllahu anhu) tha: “Lute Allahun që unë të jem prej tyre.”
Ai (SalAllahu alejhi ue selem) tha: “Ti je prej tyre.”
Ka shumë argumente për këtë. Por në qoftë se ka rrezik se personi i devotshëm fillon të mashtrohet dhe të vlerësojë veten, kështu që nuk duhet të kërkohet që ai të lutet. Përkundër gjithë kësaj, nuk duhet të kërkohet nga të tjerët që të luten për ty. Kjo është një kërkesë e qortueshme. Lutju Allahut. Mos u kërko të tjerëve që të luten për ty. Lutju Allahut. Ndërsa lidhur me atë që profeti (salAllahu alejhi ue selem) t’i ketë thënë Umerit:
“O vëllai im, mos na harro në lutjet tuaja!”
Ky transmetim nuk është autentik nga i dërguari (salAllahu alejhi ue selem).