Imam Abdul-Adhim bin Abdil-Kaui el-Mundhiri (v. 656)
Burimi: et-Targhib uet-Tarhib (732)
Komentues: Imam Muhammed Nasir-ud-Din el-Albani (v. 1420)
Burimi: Sahih-ut-Targhib uet-Tarhib (1/452-453)
Përktheu: Valdet Gashi
www.perlatmuslimane.com
732 – Xhabir bin Abdil-lah (radijAllahu anhu) ka thënë:
“Një ditë i dërguari i Allahut ﷺ u ngrit për të mbajtur hutben e xhumasë, dhe tha: “Mund të ndodhë të jetë e xhuma, ndërsa një njeri është një mile larg qytetit, e nuk merr pjesë në namazin e xhumasë.” Pastaj ai tha për së dyti: “Mund të ndodhë të jetë e xhuma, ndërsa një njeri është dy mile larg qytetit, e nuk merr pjesë në namazin e xhumasë.” Ai tha për së treti: “Mund të ndodhë të jetë e xhuma, ndërsa një njeri është tre mile larg qytetit, e nuk merr pjesë në namazin e xhumasë, e Allahu e vulosë zemrën e tij.”1
Transmetoi nga Ebu Ja’la me një zinxhir jo të fortë2. Ibn Maxheh transmetoi me një zinxhir të mirë nëpërmjet tij:
“Kushdo që braktis tri namaze të xhumasë pa nevojë, Allahu ia vulos zemrën.”3
1 I mirë përmes të tjerëve.
2 Ky hadith është i mirë me anë të hadithit të mëparshëm dhe me hadithin e Xhabirit.
3 I mirë dhe autentik.