Xhinët dhe njerëzit i kam krijuar vetëm që të Më adhurojnë. [Edh-Dharijat 51:56]

Istihara nuk e largon hutinë

Imam Muhamed Nasirudin el-Albani (v. 1420)
Përktheu: Valdet Gashi
www.perlatmuslimane.com

Pyetje: Një student kaloi me sukses vitin e tij të parë në shkollën e mesme. Tani në vitin e dytë dëshiron të shkojë në drejtimin e shkencës ose në drejtimin e letërsisë. Megjithatë, nuk mundet të zgjedh njërën prej tyre, ai është me dy mendje. Çfarë duhet të thotë gjatë istihares (lutjes)?

Përgjigje: Ajo çfarë kuptova nga pyetja juaj është se ai nuk ka asnjë anim, andaj nuk ka istihara për të, nëse e kam kuptuar saktë atëherë edhe përgjigja është e saktë, nëse nuk e kam kuptuar saktë më përmirësoni!

Pyetësi: Allahu ju shpërbleftë me të mira, o shejkh!

Përgjigje: Edhe juve!

Pyetësi: Ai është i hutuar dhe prandaj ka nevojë për istihare.

Përgjigje: Jo! Istihara nuk e largon hutinë, istihara bëhet pasi që personi të ketë marrë vendim në mënyrë të vendosur për ta bërë një gjë të caktuar. Në këtë rast bëhet istihara. Istihara nuk është ligjësuar në mënyrë që t’i largojë dyshimet apo pasigurinë në lidhje me një çështje ku muslimani nuk ka marrë ende ndonjë vendim. A është përgjigja e qartë?

Pyetësi: Po, o shejkh.

Përgjigje: Në rregull.

Shpërndaje: