Imam Muhammed Nasirudin el-Albani (v. 1420)
Burimi: http://video.dusunnah.com/fiqh/prayer/salat-ul-istikhara-shaykh-muhammad-nasiruddin-al-albani/
Përgatiti: www.perlatmuslimane.com
Pyetësi: ”Një student kaloi me sukses vitin e tij të parë, në shkollën e mesme. Tani, ai dëshiron të shkojë në vitin e dytë; ose në drejtimin e shkencës ose në drejtimin e letërsisë. Megjithatë, ai nuk mund ta favorizoj ndonjërën prej tyre, do të thotë, ai mbështetë secilën prej tyre me një përqindje prej 50%, 50%. Pra, çfarë duhet të thotë ai gjatë Istikhares (duasë)?”
Imam Albani: ”Ajo çfarë kuptova nga pyetja juaj është se ai nuk ka asnjë anim. Prandaj, nuk ka Istikhara mbi të. Pastaj, nëse e kam kuptuar saktë, atëherë edhe përgjigja do të jetë e saktë. Nëse të kuptuarit tim është i pasaktë, atëherë më përmirësoni!”
Pyetësi: ”Allahu ju shpërbleftë me të mira, o Shejkh”
Imam Albani: ”Edhe juve”
Pyetësi: ”Por ai është i hutuar. Kështu ai ka nevojë për Istikhare, sepse ai është i hutuar.”
Imam Albani: ”Jo! Istikhara nuk e largon hutinë. Istikhara bëhet pasi që një person ka marrë vendim në mënyrë të vendosur për ta bërë një gjë të caktuar. Pra, këtu, Istikhara mund të kryhet.
Istikhara nuk është ligjësuar në mënyrë që t’i largojë dyshimet apo pasigurinë në lidhje me një çështje, ku myslimani nuk ka marrë ende ndonjë vendim. Përgjigja është e qartë?”
Pyetësi: ”Po Shejkh.”
Imam Albani: ”Në rregull.”
Pyetësi: ”Duaja e Ihstikhares, a duhet të vij përpara selamit në namaz apo pas?”
Imam Albani: ”Pas selamit”
Pyetësi: ”Pas selamit:”
Imam Albani: ”Po”
Pyetësi: ”Allahu ju shpërbleftë me të mira.
Një person dëshiron të bëjë Istikharen mbi një çështje të caktuar. Kështu, a është e lejueshme për të që ta përsërisë Namazin-istikhare?”
Imam Albani: ”Është e lejuar të përsëritë nëse namazi i tij nuk është i saktë sipas sheriatit. Dhe mjafton si fakt që ajo të mos jetë sipas sheriatit nëse ai bën Istikharen tek Allahu me fjalët e tij e jo me zemrën e tij, dhe ai, në vetvete, është i vetëdijshëm për këtë mungesë të vëmendjes, prandaj, ai është i detyruar ta përsërisë atë. Por në qoftë se ai nuk e ka ndjerë një gjë të tillë, atëherë ai ka bërë bidat (nëse ai e përsëritë ai).”