Imam Ebu Isa Muhamed bin Isa Et-Tirmidhi (v. 279)
El-Xhami (377)
Përktheu: Valdet Gashi
www.perlatmuslimane.com
165 – Kapitulli: Nuk pranohet namazi i gruas pa mbulesë
377 – Hanad na tregoi: Kabiseh na tregoi, nga Hamad ibn Selemeh, nga Kadateh, nga Ibn Sirini, nga Safijrh bint Al-Harith, nga Aishah, e cila rrëfeu se i dërguari i Allahut ﷺ ka thënë:
“Nuk pranohet namazi i gruas me menstruacione, pa mbulesë koke (khimar).”
Transmeton Tirmidhi (377). Hadithi i Aishes është i mirë (hasen).
Hadithi është autentik sipas imam Albanit në Sahih Sunen Et-Tirmidhi (377).
Me shprehjen “i gruas me menstruacione” nënkuptohet gruaja që ka arritur moshën e pubertetit.
Nëse gruaja ka arritur moshën e pubertetit dhe fal namazin ndërkohë që i duket një pjesë e flokëve, shumica e dijetarëve janë të mendimit se namazi i saj nuk është i vlefshëm. Ky është edhe mendimi i Imam Shafiut, i cili ka thënë:
“Gruas nuk i lejohet të falet nëse ndonjë pjesë e trupit të saj që duhet mbuluar mbetet e zbuluar.”
Esh-Shafei ka thënë gjithashtu:
“Megjithatë, është thënë se namazi i saj është i vlefshëm nëse këmbët e saj janë të zbuluara.”