Imam Salih bin Feuzan el-Feuzan
Sherh Ighathat-il-Lahfan (27)
Burimi: http://alfawzan.af.org.sa/sites/default/files/ighastah.%20%2029%20-%205%20-%201435.mp3
Përktheu: Valdet Gashi
www.perlatmuslimane.com
Imam Ibn-ul-Kajimi -rahimehullah- ka thënë:
”Fakti që zemërimi është mjeti i shejtanit, prandaj ai që ka shpirt zemërues bashkëpunon me shejtanin, ego e zemëruar me shejtanin kundër shpirtit të qetë, i cili urdhëron që e keqja të kthehet me një të mirë. Prandaj Allahu urdhëron shpirtin e qetë që t’i kërkojë Atij mbrojtje kundër tyre. Kjo shpie në atë që shpirti i qetë forcohet dhe arrin që të luftoj ushtrinë e shpirtrave që kanë natyrë të zemërohen. Aty dhe atëherë vjen durimi që ndihmon me fitore. Gjithashtu vjen ndihma e besimit dhe mbështetjes në Allahun, në mënyrë që fuqia i shejtanit të rrëzohet:
“Sepse, në të vërtetë, shejtani nuk ka kurrfarë pushteti mbi ata që besojnë dhe mbështeten tek Zoti i tyre.” En-Nahl, 16:99
Muxhahidi, Ikrimeh dhe komentuesi e tjerë të Kuranit thanë:
”Do të thotë se shejtani nuk ka argument kundër tyre.”
Shpjegimi
Allahu -azze ue xhel- ka thënë:
“Nëse shejtani fillon të të joshë, kërko mbështetje te Allahu. Me të vërtetë, Ai i dëgjon të gjitha dhe i di të gjitha.” Fussilet, 41:36
Shejtani vjen kur njeriu zemërohet. Ai shfrytëzon mundësinë, vjen gjatë zemërimit dhe i bën njerëzit të duan të marrin hak mbi kundërshtarët e tyre. Ai e shpie atë në një hakmarrje personale. Kur një musliman e ndien këtë, ai duhet të lus Allahun për mbrojtje:
“Nëse shejtani fillon të të joshë, kërko mbështetje te Allahu. Me të vërtetë, Ai i dëgjon të gjitha dhe i di të gjitha.” Fussilet, 41:36
Ai duhet ta trajtojë kundërshtarin e tij në një mënyrë të bukur dhe duhet ta urdhërojë atë në të mirë. Arma e tij kundër shejtanit është lutja për mbrojtje kundër tij. Lutja për mbrojtje kundër shejtanit e mbytë dhe shuan zemërimin.
Sulejman bin Surad tha:
”Unë isha ulur me të dërguarin e Allahut ﷺ ndërsa dy burra grindeshin me njëri-tjetrin. Njërit prej tyre ishte i ishe skuqur fytyra dhe damarët e tij ishin fryrë. I dërguari i Allahut ﷺ tha:
”Unë e di një fjalë, që do t’ia largonte atë që ndien. Nëse thotë:
”Kërkojë mbrojtje tek Allahu ndaj shejtanit të mallkuar.”
“Ai e largon atë që ai është duke përjetuar.” 1
1 Shih: https://www.perlatmuslimane.com/20-cfare-duhet-thene-kur-shejtani-i-afrohet-njeriut/