Xhinët dhe njerëzit i kam krijuar vetëm që të Më adhurojnë. [Edh-Dharijat 51:56]

Pastërtia e grave në Xhenet

Imam Ibn Kajim el-Xheuzijeh (v. 751)

Burimi: Hadil-Aruah ila Bilad-il-Afrah, fq. 176-177

Përktheu: Valdet Gashi

www.perlatmuslimane.com

Allahu (te’ala) ka thënë:

وَبَشِّرِ ٱلَّذِينَ ءَامَنُوا۟ وَعَمِلُوا۟ ٱلصَّٰلِحَٰتِ أَنَّ لَهُمْ جَنَّٰتٍ تَجْرِى مِن تَحْتِهَا ٱلْأَنْهَٰرُ ۖ كُلَّمَا رُزِقُوا۟ مِنْهَا مِن ثَمَرَةٍ رِّزْقًا ۙ قَالُوا۟ هَٰذَا ٱلَّذِى رُزِقْنَا مِن قَبْلُ ۖ وَأُتُوا۟ بِهِۦ مُتَشَٰبِهًا ۖ وَلَهُمْ فِيهَآ أَزْوَٰجٌ مُّطَهَّرَةٌ ۖ وَهُمْ فِيهَا خَٰلِدُونَ

“E, përgëzoi ata që besuan dhe bënë vepra të mira se ata do të jenë në Xhenete në të cilët rrjedhin lumenj. Sa herë që u jepet ndonjë ushqim nga frutat e tij, ata thonë: ”Ky është që me te u ushqyem edhe më parë”. Ngase, u sillet ushqim i ngjashëm (vetëm në formë, e jo edhe në shije). Ata aty do të kenë bashkëshorte të pastra dhe aty do të jenë përgjithmonë.” 1

Vini re madhështinë, pozitën dhe besueshmërinë e mbajtur nga Ai i cili premton këto lajme të mira. Vini re madhështinë që e posedon i dërguari (salAllahu alejhi ue selem) i cili të erdhi me këto lajme të mira. Vini re vlerën e asaj për të cilën po të njofton dhe si e arrin atë nëpërmjet asaj që është më e lehta.

Këtu Allahu bashkon midis begative të trupit me kopshte dhe fruta dhe lumenjët në to dhe begative të shpirtit me gra të pastërta, si dhe begative të zemrës kur meson se qëndrimi i tyre aty është i përjetshëm pa fund.

”Gra (Azuaxh) …” – Azuaxh është shumësi i emrit Zauxh. Gruaja është Zauxh e burrit dhe burri është Zauxh i gruas. Kjo është gjuha më elokuente. Kjo i përket gjuhës së Kurejshëve dhe gjithashtu Kurani u shpallë në një mënyrë të tillë:

وَقُلْنَا يَا آدَمُ اسْكُنْ أَنْتَ وَزَوْجُكَ الْجَنَّةَ

“E Ne i thamë: ”O Adem, ti dhe bashkëshortja juaj banoni në xhenet.” 2

Disa arabë thonë se emri Zauxhah është i rrallë dhe nuk përdorët vetëm se rrallë shumë.

”… të pastërta nga papastërtia …”

Gratë që janë të pastërta nga gjaku menstrual, urina, gjakderdhjet e lindjes, jashtëqitje, qurret, pështyma dhe të gjitha papastërtitë e tjera dhe gjëra të papëlqyeshme që gjenden në gratë e kësaj bote. Gjithashtu ato janë të pastërta në brendësi nga personazhet e këqija dhe cilësitë e dënueshme. Gjuhët e tyre janë të pastërta nga fjalimi i pasjellshëm dhe i urryer. Ato kanë sytë të pastër dhe në këtë mënyrë ato i shikojnë vetëm burrat e tyre. Rrobat e tyre janë të pastërta as nuk janë të koriisura e as të njollosura.

Ibn-ul-Mubarak ka thënë: Shu’beh na ka treguar, nga Katade, nga Ebu Nadhrah, nga Ebu Said el-Khudri, nga profeti (salAllahu alejhi ue selem) i cili ka thënë:

”Dhe gratë e tyre do të jenë me ta në xhenet, të pastërta nga papastërtia” do të thotë se ato janë të pastërta nga gjaku menstrual, jashtëqitjet, pështyma dhe nga shfryrja e hundëve.”

Ibn Mesudi dhe Ibn Abasi kanë thënë:

”Të pastërta nga periudha menstruale, nga periudha e lehonisë, nga jashtëqitjet, pështyma dhe shfryrja e hundëve.”

Ibn Abasi gjithashtu ka thënë:

”Të pastërta nga papastërtitë dhe gjërat e papëlqyeshme.”

Muxhahidi ka thënë:

”Ato nuk urinojnë, ato nuk kanë jashtëqitje, ato nuk sekretojnë, nuk kanë periudhë menstruale, nuk pështyjnë, nuk i shfryjnë hundët dhe ato nuk lindin.”

Katade ka thënë:

”Ato janë pastërta nga mëkatet dhe papastërtitë. Allahu (subhaneh) i ka pastuar ato nga urina dhe nga jashtëqitja dhe papastërtitë dhe mëkatet.”


1 El-Bekare 2:25

2 El-Bekare 2:35

Shpërndaje: