“Nuk i kam krijuar xhinët dhe njerëzit veçse që të më adhurojnë Mua.” [Edh-Dharijat 51:56]

Përdorimi i misuakut nga agjëruesi

Imam Muhammed bin Salih bin Uthejmin (v. 1421)

Burimi: Fikhul-ibadat
Përktheu: Valdet Gashi
www.perlatmuslimane.com
 

Pyetje: Ka njerëz që dyshojnë në përdorimin e misuakut në Ramazan nga frika se mos iu prishet agjërimi. A është kjo e vërtetë? Dhe cila koha në Ramazan është më e preferuara për përdorimin e misuakut?

Përgjigje: Dyshimi në përdorimin e misuakut gjatë ditës në Ramazan apo ditëve tjera kur njeriu është duke agjëruar nuk ka kurrfarë baze sepse përdorimi i tij është sunnet siç ka ardhur në hadith të saktë se ai është:

“Pastrues për gojën dhe e kënaq Zotin.”

Është sunnet i fortë përdorimi i tij gjatë abdesit, para namazit, kur të ngrihemi nga gjumi, menjëherë pasi që të hyjmë në shtëpi, gjatë agjërimit dhe gjendje të tjera. Përdorimi i tij assesi nuk e prish agjërimin përveç nëse misuaku përmban shije dhe lë gjurmë në pështymën tënde, atëherë mos e përpijë shijen që ai lë në gojë. Gjithashtu nëse gjatë përdorimit të tij lëndohet mishi i dhëmbëve dhe del gjak, mos e përpijë. E nëse tregohesh i kujdesshëm në këto që i cekëm atëherë përdorimi i tij nuk ndikon (për keq) asgjë në agjërimin tënd.

Shpërndaje: