Xhinët dhe njerëzit i kam krijuar vetëm që të Më adhurojnë. [Edh-Dharijat 51:56]

Prandaj këpucat me taka janë të ndaluara

Komisioni i Përhershëm për Kërkime dhe Fetva 
Fetvaja nr (17/123)
Katf-ul-Az’har el-Mutanathirah an Fataua el-Mar’ah el-Muslimah, fq. 704-705
Përktheu: Valdet Gashi
www.perlatmuslimane.com

Pyetje: Cili është gjykimi që gruaja të mbathë këpucë me takë të larta dhe që të përdorë këna gjatë ciklit të saj menstrual?

Përgjigje: Nuk lejohet bartja e këpucëve me taka. Kjo mund të jetë shkak që ajo të rrëzohet e të lëndohet, ndërsa sheriati Islam urdhëron njeriun që t’i shmanget lëndimeve të mundshme

Allahu -te ala- ka thënë:

“…dhe mos e çoni veten tuaj në shkatërrim…” El-Bekare, 2:195

”…dhe mos e vritni veten.” En-Nisa, 4:29

Pos kësaj kjo bën që gjatësia e gruas dhe ana e prapme e saj të vihen në dukje më shumë sesa janë në realitet. Kjo në vetvete është mashtrim i qartë, duke mos anashkaluar edhe atë se ajo shfaq bukuritë të cilat i ndalohen t’i shfaq gruas besimtare.

Allahu -subhanehu ue te ala- ka thënë:

”Thuaju besimtareve që të ulin shikimet e tyre (nga e ndaluara), ta ruajnë nderin e tyre (nga marrëdhëniet e jashtëligjshme) dhe të mos i shfaqin stolitë e tyre, përveç atyre që janë të dukshme. Le t’i mbulojnë kraharorët me mbulesat e tyre (të kokës) dhe të mos ua shfaqin stolitë e tyre, përveçse bashkëshortëve të tyre ose baballarëve të tyre, ose vjehërrve të tyre, ose bijve të tyre, ose djemve të bashkëshortëve të tyre, ose vëllezërve apo djemve të vëllezërve të tyre, ose djemve të motrave a grave të tyre.” En-Nur 24:31

Ndërsa lidhur me përdorimin e kënas gjatë ciklit menstrual të gruas, ne nuk dimë diçka që e ndalon këtë dhe që dallon mes periudhës të ciklit menstrual dhe periudhës së pastër.

Shpërndaje: