Xhinët dhe njerëzit i kam krijuar vetëm që të Më adhurojnë. [Edh-Dharijat 51:56]

Shahadeti dhe kushtet e tij

Imam Abdurr-Rrahman bin Hasan Al esh-Shejkh

Burimi: Fet’h-ul-Mexhid, fq. 73

el-Maktabah el-Asrijjeh, 1421/2001

Përktheu: Valdet Gashi

www.perlatmuslimane.com

Profeti (salAllahu alejhi ue selam) i tha Mu’adhit (do të thotë):

“Le të jetë gjëja e parë në të cilën i thërret shahadeti.” Pastaj ai përmendi namazin e pastaj tha: E nëse ata të binden në këtë, atëherë mësojua se Allahu i ka obliguar ata me zekat i cili merret prej të pasurve të tyre dhe i jepet të varfërve të tyre.”1

Shahadeti se “Nuk ka të adhuruar tjetër me të drejtë përveç Allahut” ka shtatë kushte. Nëse këto shtatë kushte nuk bashkohen, ajo nuk i bënë dobi deklaruesit të shahadetit:

1- Dija (Ilm) që mohon injorancën.

2- Bindja (Jakin) që mohon dyshimet.

3- Pranimi (Kabul) që mohon refuzimin.

4- Nënshtrimi (Inkijad) që mohon shmangien.

5- Sinqeriteti (Ikhlas) që mohon idhujtarinë.

6- Sinqeriteti në fjalë që mohon gënjeshtrën.

7- Dashuria (Mahabbah) që mohon të kundërtën e saj.

Në këtë hadith ka dëshmi se Teuhidu që është të adhurosh vetëm Allahun dhe të qëndrosh larg idhujtarisë është obligimi i parë. Prandaj, të dërguarit (alejhim-us-selam) thoshin së pari:

يَا قَوْمِ اعْبُدُواْ اللَّهَ مَا لَكُم مِّنْ إِلَـهٍ غَيْرُهُ

“O populli im! Adhuroni Allahun! Nuk keni Ilah (të adhuruar) tjetër përveç Atij.”2


[1] Tirmidhi (625).

[2] 7:59.

Shpërndaje: