Imam Muhammed bin Salih bin Uthejmin (v. 1421)
Burimi: Lika el-Bab el-Maftuh (15 A), min: 44.05
Përktheu: Valdet Gashi
Pyetje: Disa të rinj shkojnë në tubime të mëdha në shkretëtirë për të garuar me vetura, duke u ngjitur lart kodrave të zallit, e cila është shkatërruese për makinën. A është veprimi i tyre i lejuar dhe a mëkatojnë ata që i shikojnë këto ngjarje?
Përgjigje: Shikimi varet nga veprimi; a është e lejuar apo jo ai veprim? Që të rinjtë të dalin në shkretëtirë në këtë mënyrë mund të shpie në disa dëme. Ata nuk e falin namazin me xhemat në xhami. Ata janë gjithashtu larg nga familjet e tyre. Ndër dëmet është siç përmendët se shkatërrohen pasuritë.
Makinat shkatërrohen kur ato mundohen lart kodrave nga rëra, e kjo shpie në shkatërrimin e pasurisë. Është e ndaluar për të shkatërruar pasurinë për diçka që nuk është as dobi fetare apo dobi materiale. Profeti ﷺ ka ndaluar që pasuria të humbet.
Kam dëgjuar shumë ankesa në lidhje me këto makina. Ato shkatërrojnë tokën, ato shkatërrojnë vegjetacionin. Është e njohur se një vend i qarkulluar rëndë nga veturat shkatërrohet. Kjo gjithashtu ndikon në bagëtinë.
Kur bëhet e qartë se ky veprim edhe është një humbje kohe, dhe humbje e pasurisë, dhe një shkak i mundshëm i veprimeve të tjera të ndaluara, është gjithashtu e ndaluar edhe për të mbështetur dhe për ta shikuar atë. Ai që shikon e miraton veprimin e ndaluar dhe e mbështet atë. Ai (subhanehu ue te ala) ka thënë:
وَتَعَاوَنُواْ عَلَى الْبرِّ وَالتَّقْوَى وَلاَ تَعَاوَنُواْ عَلَى الإِثْمِ وَالْعُدْوَانِ وَاتَّقُواْ اللّهَ إِنَّ اللّهَ شَدِيدُ الْعِقَابِ
”Ndihmohuni mes vete me të mira dhe në të mbara, e mosni në mëkate e armiqësi.” 5:2
Ajo që gjithashtu dëshmon mendjelehtësinë e atyre që veprojnë kështu, është se ata nuk mund të sillen në mënyrë të tillë para njerëzve të respektuar për shkak të turpit. Profeti ﷺ ka përmendur një urtësi të vjetër, duke thënë:
“Prej fjalëve profetike që kanë arritur njerëzit, është: “Nëse nuk ke turp, vepro ç’të duash.” Bukhari (3484)
“Turpi është gjithashtu degë e besimit.”
Pyetësi: Disa argumentojnë se edhe njerëzit fetarë marrin pjesë.
Përgjigjja: Ata fetarët ndoshta nuk e dinë. Në qoftë se ata mendojnë do të kuptojnë se veprimet e tyre janë të gabuara. Mund të ndodhë që disa njerëz nuk e kuptojnë se çfarë ata bëjnë, por kur ata mendojnë pak ata e kuptojnë se veprimi është i pavend.