Imam Zejnud-din Ibn Rexheb El-Hanbeli (v. 795h)
Burimi: Et-Tekh’uijfu minen Nari, fq. 162-164
Përktheu: Valdet Gashi
www.perlatmuslimane.com
Allahu i Lartësuar ka thënë:
فَأَمَّا الَّذِينَ شَقُوا فَفِي النَّارِ لَهُمْ فِيهَا زَفِيرٌ وَشَهِيقٌ
”Ata që do të jenë të mjerë, do të hyjnë në Zjarr, ku do t`i presin veç ofshamat e vajtimet.” 1
Er-Rabi`i Ibn Enes ka thënë: ”Ofshamat vijnë nga qafa ndërsa vajtimet vijnë nga gjoksi.”
Katade ka thënë: ”Zëri i jobesimtarit në zjarr është i njëjtë si zëri i gomarit. Ai fillon me ofshamë dhe përfundon me vajtim.”
Allahu (Azze ue xhel) ka thënë:
وَهُمْ يَصْطَرِخُونَ فِيهَا
”Atje, ata do të thërrasin.” 2
Ebi Umameh tregon se Profeti (salAllahu alejhi ue selem) ka thënë: ”Pashë një ëndërr.” dhe tregoi një hadith të gjatë, ndër të tjerash tha edhe: ”Më pas vazhduam dhe pamë një tym dhe dëgjuam një ulërimë.” Unë thash: ”Çfarë është kjo?”Më tha: ”Ky është Xhehenemi.” E transmeton Taberaniju dhe të tjerët.
Enes Ibn Malik ka transmetuar se Profeti (salAllahu alejhi ue selem) ka thënë: ”E qajtura do të hidhet mbi banorët e zjarrit dhe ata do të qajnë deri sa t`u harxhohen lotët.” E transmeton Ibn Maxheh
Transmeton Ebi Musa nga babai i tij se ka thënë: ”Banorët e zjarrit do të qajnë shumë në zjarr, sa që nëse anijet do të vendoseshin që të lundronin mbi lotët e tyre, ato(anijet) do të lundronin. Më pas ata (banorët e zjarrit) do të lotojnë gjak pas lotëve (të cilat iu mbaruan).”
Salih El-Murri ka thënë: ”Më ka arritur mua se ata (banorët e zjarrit) do të ulërasin në zjarr derisa zëri i tyre do të humbas…”
Muhamed Ibn Ka`b ka thënë: ”Ata ofshojnë në Xhehenem edhe Xhehenemi ofshon. Ata vajtojnë edhe Xhehnemi fillon të vajtojë si shkak i ndalesave që ata i konsideruan të lejuara.” Tha: ”Ofshamat vijnë, nefsi dhe vajtimet vijnë nga të qarët.”
Ibn Abbasi në lidhje me fjalët e Allahut të Lartësuar:
لَهُمْ فِيهَا زَفِيرٌ وَشَهِيقٌ
”do t`i presin veç ofshamat e vajtimet.”
Ka thënë: ”Janë zëra të lartë dhe zëra të ulët.”
Maliku transmeton nga Zejd Ibn Eslem se ka thënë rreth fjalës së Allahut të Lartësuar:
سَوَاءٌ عَلَيْنَا أَجَزِعْنَا أَمْ صَبَرْنَا مَا لَنَا مِنْ مَحِيصٍ
”Rënkojmë apo durojmë, për ne njësoj është, nuk do të ketë shpëtim.” 3
Zejdi ka thënë: ”Duruan njëqind vjet, më pas qajtën njëqin vjet dhe më pas thanë: ”Rënkojmë apo durojmë, për ne njësoj është, nuk do të ketë shpëtim.”
Transmeton Ibn ebi Dun`ja se Rijah El-Kajsij kaloi pranë një djaloshi të vogël i cili po qante. Ndaloi pranë tij dhe e pyeti: ”O djalosh! Çfarë të bëri të qash?” Djaloshi nuk i tha asgjë dhe as nuk iu përgjigj. Më pas Rijahu filloi të qajë dhe tha: ”Nuk do të ketë për banorët e zjarrit pushim, vetëm se qarje dhe filloi (edhe vetë) të qajë.”
1 Hud 10:106
2 El-Fatir 35:37
3 Ibrahim 14:21