Xhinët dhe njerëzit i kam krijuar vetëm që të Më adhurojnë. [Edh-Dharijat 51:56]

Thirrja e ezanit para kohe (2)

Imam Muhammed bin Salih bin Uthejmin (v. 1421)

Burimi: Mexhmu-ul-Fataua (12/189)

Përktheu: Valdet Gashi

www.perlatmuslimane.com

Pyetje: A është e vlefshme që të thirret ezani para se të hyjë koha e tij (namazit)?

Përgjigje: Thirrja e ezanit para kohe nuk është e vlefshme sepse profeti ﷺ ka thënë:

“Kur të hyjë namazi, dikush nga ju të thërrasë ezanin.”

Namazi nuk hyn derisa të hyjë koha e tij. Hadithi është i përgjithshëm dhe asgjë nuk përjashtohet prej tij si dhe nuk bie në kundërshtim me hadithin:

 “Vërtet, Bilali e thërret ezanin natën, prandaj hani e pini derisa ezanin ta thërret Ibn Umm Mektumi.” Bukhari (621) dhe Muslimi (1092).

Kjo dëshmon se Bilali nuk e thërriste ezanin për namazin e sabahut.

Shpërndaje: