Imam Salih bin Feuzan El-Feuzan
Burimi: https://www.alfawzan.af.org.sa
Përktheu: Valdet Gashi
www.perlatmuslimane.com
Pyetje: Allahut -subhaneh- thotë:
”Vërtetë veprat e mira i fshijnë të këqijat.” Hud, 11:114
Cilat janë ato vepra të mira që i bën ai që ka mëkatuar ndaj Allahut me të gjitha gjymtyrët e tij që ato t’i fshijnë mëkatet e tij?
Përgjigje: Mëkatet e mëdha nuk shlyhen përveçse me pendim të sinqertë. Kjo vlen vetëm për mëkatet e vogla.
Fjalët e Allahut:
”Vërtetë veprat e mira i fshijnë të këqijat.”
Kanë të bëjnë me mëkatet e vogla, dhe ato shlyhen përmes pesë namazeve ditore.
Shkaku i zbritjes së këtij ajeti ishte kur një burrë erdhi tek profeti -salAllahu alejhi ue selem- dhe i tregoi se kishte bërë me një grua gjithçka të ndaluar përveç marrëdhënies intime, dhe e pyeti nëse kishte pendim për të.
Profeti ﷺ heshti derisa zbriti ky ajet:
“Fale namazin në mëngjes e mbrëmje dhe në një kohë të natës, sepse veprat e mira i shlyejnë veprat e këqija.” Hud, 11:114
Do të thotë mëkatet e vogla.
“Kjo këshillë vlen për ata që i pranojnë këshillat.” Hud, 11:114
Burri pyeti: “O i dërguari i Allahut, a është ky ajet vetëm për mua apo për të gjithë njerëzit?”
Profeti ﷺ tha: “Përkundrazi, kjo vlen për të gjithë njerëzit.”
Pra me pesë namazet obligative, Allahu i shlyen mëkatet e vogla ashtu siç thuhet në hadithin:
“Pesë namazet obligative, xhumaja deri në xhumanë tjetër dhe Ramazani deri në Ramazanin tjetër shlyejnë mëkatet që ndodhin ndërmjet tyre, përderisa shmangen mëkatet e mëdha.”
Transmeton Muslimi (233), Tirmidhi (214), Ibn Maxheh (106) dhe Ahmedi (2/359).
Kjo tregon se shlyerja me vepra të mira ndodh vetëm për mëkatet e vogla. Ndërsa mëkatet e mëdha nuk shlyhen veçse me pendim të sinqertë, po.
“Fale namazin në mëngjes e mbrëmje dhe në një kohë të natës, sepse veprat e mira i shlyejnë veprat e këqija. Kjo këshillë vlen për ata që i pranojnë këshillat.” Hud, 11:114