“Nuk i kam krijuar xhinët dhe njerëzit veçse që të më adhurojnë Mua.” [Edh-Dharijat 51:56]

Xheneti është poshtë këmbëve të nënave?

Imam Muhammed Nasirudin el-Albani (v. 1420)

Burimi: Fataua Xhudah (22)

Përktheu: Valdet Gashi

www.perlatmuslimane.com

Pyetësi: “Xheneti është poshtë këmbëve të nënave? A është transmetuar ndonjë hadith i tillë o Shejkh?”

Imam Albani: “Xheneti është poshtë…”

Pyetësi: “Poshtë këmbëve të nënave.”

Imam Albani: “Ky hadith është e njëjta përgjigje, është transmetuar apo nuk është transmetuar.”

Pyetësi: “A është i transmetuar me këtë tekst, o shejkh?”

Imam Albani: “Me këtë tekst, tek ne në Sham e përdorin që t’i japin rëndësi dhe thonë, ka thënë i dërguari i Allahut (salAllahu alejhi ue selem): “Xheneti është poshtë këmbëve të nënave.” Muhadithunët për këtë hadith thonë se është i dobët, pra me këtë tekst transmetimi, me këto fjalë.

Ky hadith është i dobët dhe është nga lloji i haditheve të dobta të cilave iu saktësohet kuptimi porse nuk iu saktësohet bazat e tij, pra, është i saktë kuptimi dhe nuk është i saktë zinxhiri i hadithit.

Vlera që tregon e këtij hadithi,gjë të cilën ne e përdorim gjatë këshillave tona, është se një burrë erdhi nga Jemeni tek profeti (salAllahu alejhi ue selem) dhe i tha atij: ”Unë kam ardhur që të luftoj me ty o i dërguari i Allahut! Porse unë e kam lënë nënën time duke qarë.”

Ai i tha: ”Kthehu tek ajo dhe qëndro me të sepse Xheneti është në këmbët e saj.”

Ky nuk është ai i hadithi në të cilin thuhet: ”Kthehu tek ato dhe bëji të qeshin sikurse i bëre të qajnë.”

Hadithi i parë është në Sunenin e Nesait ndërsa i dyti i cili është më i njohur transmetohet tek Sahihu i Bukhariut.

Shpërndaje: