Imam Salih bin Feuzan el-Feuzan
Burimi: “Teemmulat fi Aakhir Suratil-Ahzab”, fq. 416-417
Përgatiti: www.perlatmuslimane.com
Allahu (te ala) ka thënë:
يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ
“O profet! Thuaju bashkëshorteve të tua dhe bijave të tua…” 33:59
Në këtë ajet madhështorë, Allahu (te ala) filloi me gratë dhe bijat e Profetit salallahua lejhi ue selem dhe i urdhëroi ato që të mbulojnë vetet e tyre, sepse ato ishin më parësore në përvetësimin e këtij urdhri kundrejt grave të tjera. Pastaj Ai i urdhëroi gratë e tjera besimtare duke thënë:
يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ وَكَانَ اللَّهُ غَفُورًا رَّحِيمًا
“O profet! Thuaju bashkëshorteve të tua dhe bijave të tua edhe bashkëshorteve të besimtarëve të lëshojnë vellon (xhilbabin) e tyre mbi gjithë trupin e tyre. Kjo do të ishte më e mirë që ato të mund të dallohen (si gra të ndershme) që të mos i shqetësojë (e ngacmojë) askush. Dhe Allahu është gjithnjë Falës i Madh, gjithnjë Mëshirëplotë.” 33:59
Xhilbabi është veshje e jashtme, është një petk i madh që gruaja e bartë mbi rrobat e saj në mënyrë që trupi i saj nuk mund të shihet dhe të mbulohet në tërësi. Së pari, ajo mbulon trupin e saj me rroba. Pastaj ajo mbulon rrobat me një petk (xhilbab) mbi, sepse rrobat mund të jenë të stolisura apo të pamjaftueshme në mbulim, për shembull, duart dhe këmbët e saj i duken. Prandaj, xhilbabi mbulon atë që duket dhe stolitë e rrobave ose stolitë në duart e saj. Xhilbabi është pikërisht një masë e sigurisë për të.