Zbritja e Isait para Ditës së Gjykimit

Imam Muhammed bin Salih bin Uthejmin (v. 1421)

Burimi: Fataua Menarul Islam – Pyetja nr 6, fq 22.

Përktheu: Valdet Gashi

www.perlatmuslimane.com

Pyetje: ”Kam lexuar në një libër se Isai (salAllahu alejhi ue selem) i biri i Merjemes do të zbresi nga qielli para Ditës së Ringjalljes, dhe të sundojë në tokë për 40 vjet. A është kjo e saktë ? Dhe cili është argumenti nga Kurani për këtë gjë? Allahu jua shpërbleftë me të mira.”

Përgjigje: ”Kur është fjala për zbritjen e birit të Merjemes, Isait (salAllahu alejhi ue selem) para Ditës së Ringjalljes, kjo gjë është e saktë dhe e konfirmuar në fjalët e Allahut të Lartësuar kur ka thënë:

وَإِن مِّنْ أَهْلِ ٱلْكِتَٰبِ إِلَّا لَيُؤْمِنَنَّ بِهِۦ قَبْلَ مَوْتِهِۦ ۖ وَيَوْمَ ٱلْقِيَٰمَةِ يَكُونُ عَلَيْهِمْ شَهِيدًا

”Nuk do të mbetet asnjëri nga pasuesit Librit pa i besuar Isait para se ai të vdesë dhe, në Ditën e Kijametit, Ai do të jetë dëshmitar ndaj tyre.” 1

Gjithashtu kjo gjë është konfirmuar edhe nga Profeti (salAllahu alejhi ue selem) se Isai salAllahu (alejhi ue selem) i biri i Mejremes do të zbresi në këtë umet dhe do të drejtojë me drejtësi.

Ai do ta qeverisë këtë umet dhe nuk do të pranoj asnjë fe tjetër përveç Islamit, kjo gjë është nga besimi i Ehl-us-Sunetit dhe Xhematit. Shumë prej dijetarëve e kanë përmendur këtë gjë tek shenjat e fundit së Ditës së Gjykimit.

Ndërsa në lidhje me atë se ai do të qëndroj në tokë dyzet vjet, unë nuk kam asnjë dijeni për vërtetësinë apo dobësin e kësaj. Dituria e plotë është tek Allahu.”

---

1 An-Nisa’ 4:159